Xineiru y 14

La nuesa organización, dempués de las declaraciones del Presidente del Conseyu Comarcal d'El Bierzu Ricardo Saavedra, sofitandu la llingua gallega ya inorandu al llïonés, solicita la dimisión d'ésti pol sou despreciu p'hacia las siñas d'identidá de los bercianos. Nesi sen, Conceyu Xoven amuesa'l sou sofitu a tolos que trabayan en defensa de la Llingua Llïonesa na rexón d'El Bierzu.

Nota de Prensa

Avientu y 21

Conceyu Xoven quier deseyar a tolos llïoneses un Bon Nadal y un Prestosu añu 2006. Naguamos que cona entrada d'ésti, cúmplanse los finxos establecíos pa él y entame'l camín p'hacia l'algame de los dreichos nacionales de los llïoneses y del País Llïonés.

Agostu y 15

El dia 24 el comité rexonal de Ribas del Sil tuviera un aconceyamientu nel valle de Furniella col Secretariu Xeneral, Abel Pardu, nel que se marcóu la llinias d'autuación a sigire nos prósimos meses, rellacionada fundamentalmente cona llingua y la espansión nos istitutos de la comarca. Ente los asistentes taban e l nuesu coordiandor de comité, Alex Díez, el nuesu vicesecretariu de Fabeiru, Felis Llopez, el secretariu de Torenu, Alex Rodríguez y el secretariu del comité de Ponferrada Adrianu Garrido.

Abril y 19

Los comites Rexonales de Ribas del Sil y Ponferrada tuvieran la pasada fin de selmana el primer aconceyamientu cona Direición Nacional de Conceyu Xoven col finxu d´entamare la campaña Nacional A y 23 nesta fasteira del nuesu país.

L ' aconceyamientu finóu con un percorríu polos valles del Cúa y una comida na ciudá de Cacabiellos.

Febreiru y 24

Una representación del Comité de Ribas del Sil participóu la pasada fin de selmana nas Xornadas Nacionales de Formación de Conceyu Xoven na llocalidá harmana de Bembibre amás d’outros Comités que vinieran dende deillas fasteiras del País Llïonés.

Dende la Secretaría de Coordinación del Comité agraecemos a la Direición Nacional el bon trabayu rïalizáu nestas prestosas Xornadas, asina comu a tolas presonas que participanon n'eilla.