FILANDÓN
Nesti requeixu vamos amuesar desemeyados puntos que fain d´estos valles del ocidente Llïonés un braeiru tesouru pa cualisquier etnófragu, hestoriador ou simplemente, pa cualisquier presona que-y preste amirare los sous raigones.
Los prosimos documentos, escritos sigún se ouyenon, fonon sacáos de duas fontes, por una parte la tradición oral que nosoutros mesmos escucharamos nas nuesas casas y por outra, llibros y publicaciones culturales sobru la nuesa comarca. Quisieramos axuntalos toos eiqui pa que, dende agora, la nuesa cultura tradicional tea xunida y recopilada pa que enxamás escaeza. Por eillo, ufiertamos la oportunidá de collaborare nesti finxu y podere mandare los vuesos documentos y tradiciones orales, pa eillu solu tinéis que unvianoslu a cx_torenu@hotmail.com .
REFRANEIRU Y CANTARES
Un maragatu n´Astorga
Amargamente lloraba
Por llamarme galleguina
Y yo contestarle airada:
Por quéi me llamas gallega
Si me véis que soy berciana.
Soy nacida cuatro leguas
unrriba de Ponferrada.
Camino del Sil unrriba
Camina mi pensamiento
Camino del Sil abaixo
Corre que le lleva el viento.
( Nesta copla, cantada tantu en Ponferrada comu en Torenu, vemos la resistencia de las nuesas xentes a facese pasare comu gallegos. La nuesa xente dende siempres supiera qu´en Galicia nun taba la sua patria, la sua patria taba en Llión )
------------------------------------------------
Dejaile que cante
Que canta meyor
Siñal de que vien
La buena calor.
Que´l cuco rubiello
Como es fulgazán
En llegando el brano
Deja de cuquear.
Cuco del rey
Rabo de hierro
¿cuántos años me quedan pa dir al cielo?
Cuco del rey
Rabo rubiello
¿cuántos años me quedan
pal miu intierru?
Cucú, cucú, cucú.
---------------------------------------------
Arrepentíos venimos
Queridisimo San Roque
Pa que nos libres de males
y la peste que nos toque
--------------------------------------------
El gaiteiru de Frisnéu
Rilora rilora
que vien de ralo en ralo
rilora rilora
vai tocando pola calle
la tonar de lus casaus
Nun le contare a mia madre
Que viniera al filandón
Que pensara la cuitada
Que perdiera la razón
---------------------------------------------
Una noche que fui al filandeiro
Ay, al tiempo de ir a pasar
Enganchoume una arbedeira
Que rompiome tol delantar.
----------------------------------------------
Pa quéi le tiras al cuadro
Si se te marcha la bola
Mocito la fachenda
Para mi no m´acomoda
Matarrosa nun val cosa
Piñadrada nun val nada
Más unrriba tan los Langres
Son los que llevan la gala
-----------------------------------------
Matarrosa nun val cosa
Peñadrada nun val nada
Tolas en Villamartín
Roxas en Sta. Lucadia
Y pa mozas tetudas
Que sepan bailar bien la danza
De todas estas contornas
Toreno lleva la fama
De Torenu pa rriba
Nun hai tierra pal loureiru
El perejil ta en Tombriu
La hortelana ta en Frisnéu.
En Cubillos manda Dios
y en Posadina la polla
en Cubillinos la pita
y el gallu en Valdelaloba
--------------------------------------------
Pa perejil Toreno
Pa fachenda Librán
Y pa niñas bonitas
Las Traviesas y Villar.
----------------------------------------------
Dicen que morrió un gallego,
Ojala murieran veinte,
Cuantos más muerran,
Más pillejos pal aceite.
( Na posguerra, cientos de gallegos arribanon a los valles occidentales del País Llïonés en busca de trabayu y comida, y en deillos pueblos fonon arrequeixados y menospreciáos. Guei, esti autu racista nun esiste, y nos nuesos pueblos deprendieran a convivire y respetase presonas de desemeyadas naciones que vinieran a trabayare na mina)
------------------------------------------------
Dín dán, dín dán
marcha truena p´allá
quita vinu, quita pan
quita yerba de San Juán
Dín Dán, Dín Dán
Semos de Primout
onde nunca el sol entróu
y cuandu entróu
nos pasmóu. |
