Conceyu Xoven creya un nueu Comité Comarcal en Las Arribes

La muerganización llïonesista Conceyu Xoven creyóu'l pasáu fin de selmana un nueu Comité Comarcal, nesti casu en Las Arribes. Esti comité ye'l primeiru nel territoriu salmantín, y el númberu dieciseyes pa la muerganización xuvenil llïonesista, dientru la sua estratexa d'espardimientu por tol territorio llïones. Tres la espansión de la muerganización na provincia de Zamora, esti nuéu comité salmantín vien a afitare la presencia de Conceyu Xoven nel sur del País Llïonés.

Conceyu Xoven cunta anguañu con más de 1500 afiliaos, ta presente en más de cincuenta conceyos, y ye la principal muerganización xuvenil política nel País Llïonés. Nesi sen, ye de destacare que Conceyu Xoven ye la muerganización estudiantil con mayor sofitu nos Istitutos y na Universidá de Llión.

Espansión del llïonesismu en Salamanca

Nel autu, nel que s'elixera comu Secretariu Comarcal del nuéu Comité a Nandu Sánchez, tuvu presente'l Secretariu Xeneral de Conceyu Xoven, Abel Pardo. Nel autu de presentación del comité, Pardo declarara que “Conceyu Xoven algaza cola creyación d'esti comité espandire'l llïonesismu a una rexón que s'alluga na provincia de Salamanca, y que sedrá la basa de l'afitamientu'l llïonesismu políticu nesti territoriu”.

Nandu Sánchez, estudiante d'Hestoria na Universidá de Salamanca, y nuéu Secretariu Comarcal, espunxu que “La creyación del Comité de Conceyu Xoven en Las Arribes vien a afitare'l trabayu que los llïonesistas desendolcáramos na provincia de Salamanca”. El nuesu principal finxu sedrá l'estender la nuesa muerganización pol tou territorio.

Comu primeira autividá de Conceyu Xoven – Las Arribes, que cunta yá con más d'una veintena d'afiliaos, tuvu llugar un cursu sobru “Territoriu y Poblamientu nel País Llïonés”. A esta autividá sedrán a sigi-y deillas campañas en sofitu la cultura, la llingua y la identidá llïonesas.

Llión y outubre 18, 2004