Xestión del Parque Estatal Picos d'Europa
Tras la decisión del goviernu Hespañol de trespasare las competencias de xestión de parques estatales pa la CCAA , Picos d´Europa, parque que s´alcuentra situáu n´Asturies, Cantabria y País Llïonés, va pasar a sere xestionáu por Uviéu, Santandere y Valladolí.
Esti ye un casu únicu y perproblemáticu en tol Estáu. Ye deficil asgaya que las tres comunidaes, governadas por partíos políticos desemeyáos, entamen un alcuerdu a la ora de xestionar el parque. Estu creyará desegualdaes dientru del parque y deillos problemas en cuantu a ordenación del territoriu y tolu que ye decisiones mediuambientales comu repoblaciones, reservas de caza etc...
Pudieramos vere comu asociaciones ecoloxistas manifestaránse a la escontra de la decisión del goviernu, mientras que las autonomías amuesáranse a favor ou nun dixeran nada relevante.
El xeitu ecoloxista ye lloxicu na midida que eillos ven nesti trespasu de competencias un cáos pa la xestión del parque, ye dicire, que cá autonomía pué facer lu que-y interese cona sua respeutiva estaya del parque, finandu asina cona xunidá ambiental y cultural del parque.
Dende la Vicesecretaria de Mediu Ambiente de Conceyu Xoven, proponemos una solución axeitada a la las reivindicaciones ecoloxistas, la decisión del goviernu y sobrutóu, cona población implicada, que va sere la que más “sufra” la decisión política y la que braeiramente tien la cabeira pallabra.
La solución ye comu siempres la más cenciella, afayadiza y axeitada pa Picos d´Europa, Conceyu Xoven propon la creyación d´un Conceyu Interprovincial de Picos d´Europa .
El conceyu taría formáu polas diputaciones provinciales ( la xunta de CyL trespasaría las competencias respeutivas pa Llión, por sere esti´l territoriu qu´albierga el parque y polu tantu, la afeutada. Amás de sere la provincia que tien más del 50% del parque fronte a Asturies y Cantabria ), los conceyos del parque y empresas istaladas nél. Xunto con estas alministraciones habría un grupu de Biólogos, Xïologos y especialistas que aconseyaran y aseroran nel llabor de xestión del parque. Esti organismu tendría comu finxu seguir una mesma llínea de xestión mediuambiental y social nas tras provincias nas qu´el parque alcuentrase axebráu. D´esta maneira, Picos d´Europa, mantendría el sou alrodiu homoxéneu y un desendolque económicu-social egualitariu pa tolas estayas del parque.
Ye un porgüeyu recordare, que si Picos d´Europa caltien un mediu ambiente en condiciones óutimas ye polos sous abitantes, que dende sieglos atrás, supienon caltenere un equilibriu ente los sous llabores agrícolas-ganadeiras y la natura que-ys alrodia, e incluso, gracias a ese caltenimientu de la natura en estáu cuasi virxe, güei beneficianse de la autividá turística. La población llariega viera comu dende que la xestión del territoriu faise fuera de las suas llendes, la sua tradicional maneira de vida, n´armonía col mediu natural, ta gravemente amenazada. Costrución de macroembalses comu el de Riañu, proyeutos de tendíos lleutricos sobre´l parque ou repoblaciones “salvaxes” d´especies nun llariegas comu el pinu, tan faciendu del parque un llugar menos natural y más artificial. La proibición de deportes llariegos comu la pesca la trueita ou la recoyida de cogaxos fizu que la población nun se sintiera comoda viviendu nel parque. A tóu estu hai que añedire la atroz despoblación y el declive económicu que la zona padez por una xestión política nun afayadiza de Madrí y Valladolí.
Por tóu estu, CONCEYU XOVEN, propon la creyación d´un Conceyu Interprovincial onde tolas alministraciones afeutadas tean presentes y puean autoxestionar el territoriu onde vivienon y onde piensar continuyar viviendu. Nun ye lloxicu qu´un territoriu comu Picos d ´Europa dependa de deciones políticas que faen persona que viven a más de 100 km del llugar, comu tampoucu ye xustu que la población afeutada nun puea autoxestionar el sou propiu territoriu.
PAÍS LLÏONÉS LLIBRE
Alex Diez González
