Mai de Dieus... ¡QUE CALOR!

Chegóu comu tenía que chegar y tol mundiu asperábalu... Mes de Xunu, mes folixeiru pa nós, los llïoneses, y comu non, pa cualisquier presona a la que-y preste'l branu y tolu que-y arrodia. Nestas datas, cuandu t'asomas a la ventana la túa cá nel atapecer, sonries mientras vas tastïandu esi golorín de las nueches qu'esporpolla un poquitín la gayola oculta nu más fondu'l coral llïonés.

Esti calor, que calece las nuesas ganas de xarana, de paseyos a la lluz de la lluna, y de vinu, sidra y curtios... pa la nuesa llacería paez qu'ambura en llugar de calecere daqué que pa unos pesa y pa outros dalgunas vegadas ye insuficiente: el celebru.

Cuandu la TV amosóu los resultaos de las elleiciones europeas, de manu de Mª Teresa Fernández (muyer de piel decrépita y coral mancáu, que nun dubióu un res en deixare bien nidiu que partíu fou'l más votau), lu que más m'ablucóu ensín dubia dala fou'l porcentax de de votu por parte los ciudadanos del Estáu Hespañol. Tou puede debese al calorón que facía esi día (vamos comu pa dir a votare cona solana qu'había), onque si afondamos un poucu nos nuesos argumentos seique chegemos a la conclusión de que la xente ta cansada tres estos tres comicios cuasi siguíos, ou meyor entá, ye posible que la xente nun tuviera disposición a votare n'unas elleiciones marcadas por insultos, griescas y fatadinas de partíos, qu'invirtienon más tiempu en perdelu qu'en granibles alderiques, desplicandu que ye la Constitución Europea, cualos son los puntos qu'aconceya, y si rïalmente puede beneficianos ou non. Peru... el calor tamién afeuta a los políticos, y de xuru que con 30 grados de temperatura nun apetez mucho falare sobru cousas importantes, ye más divertíu xugare comu neños a vere quien diz l'insultu que más gracia va facer al elleutoráu.

Comu non, la falsedá bien utilizada tamién tien puxu, y nel casu'l nuesu país, la mayor parte'l llïonesismu optóu pola "Super Rexón Llïonesa dientru de Castiella y Llión" del PSOE. Una vegada más paez qu'el calor ablanda'l celebru, y la xente, demientras suda asgaya, vota pola miguina de pan en llugar de naguare pola fogaza que rïalmente nos correspuende. Ye permurniu'l fechu de que teamos tan avezaos a suplicar polas migayinas d'esti patéticu estáu, que renunciemos a algamar daqué meyor...

Inciertu futuru auguran estos resultaos pa los nuesos porgüeyos, vere comu los llïoneses escueyen a los de siempres pesia que nun fadrán munchu más que lu de siempres ye más aburríu qu'un domingu ensín fútbol. ¿Fútbol?. ¡Fútbol!. Gracias a la Eurocopa esqueiceréi un votu tiráu a la basoria por cá gol que marquen Zidane, Beckham ou Totti.

Xairu Llópez