Conceyu Xoven participa na Escola d'Estiu d'Unió de Joves
Xunetu y 20

Un añu más, la nuesa organización participóu na Escola d'Estiu d'Unió de Joves, organización xuvenil venceyada a Convergència i Unió. La nuesa representación, na que tuvun el nuesu Secretariu Xeneral, Abel Pardo, el Coordinador de Conceyu Xoven Salamanca y los Vicesecretarios Xairu Llópez y Xuan Xetinu amosóu la rïalidá del País Llïonés, afondandu na conocencia de deillas temas arreyadas al movimientu nacionaliegu catalán y a la cabeira reforma dl estatutu d'autonomía d'esti territoriu.

Conceyu Xoven participa nel II Festival ENGRESCAT
Mayu y 15

Una delegación de la nuesa organización participóu esta fin de selmana nel festival Engrescat entamáu pulas Joventuts d'Entessa Nacionalista-Partit Socialista de Mallorca, desendolcada na llocalidá d'Inca. Abel Pardo, Secretariu xeneral, y Daniel Fernández, Vicesecretariu de Salú, fonun recibíos pul voceiru del Partíu Socialista de Mallorca nel Conceyu de Palma, n'onde desenvolvienun una visita a la Cá'l Conceyu, al Consell Insular y al Parllamentu delas Isllas Baleares. Nesi sen, fonun recibíos pur Diputaos y Consellers, participandu n'alcuentros nos qu'amosanun la rïalidá del País Llïonés a los dirixentes del PSM y cargos istuticionales.

Diario de Mallorca

Conceyu Xoven participa na conferencia "Políticas de mocedá nos procesos de costrución nacional"
Mayu y 15

Conceyu Xoven, Galiza Nova (BNG), Joventut Nacionalista de Catalunya (CiU) y Aralar (País Bascu) participaran nuna mesa redonda entamada pur JEN-PSM na qu'amosanun la impotancia de las organizaciones xuveniles y las políticas desenrolladas pur éstas nos procesos de costrución nacional. El nuesu Secretariu xeneral, abel Pardo, amosóu'l xeitu nel que Conceyu Xoven desenvuelve las políticas nacionaliegas llïonesas cul envís d'algamare la xunidá, oficialidá y autogoviernu d'esti pueblu, especialmente nas estayas de medias, universidá y conseyos de mocedá.

Conceyu Xoven participa nel V Congrès del Bloc Jove
Outubre y 3

Una delegación formada pol Secretariu Xeneral de Conceyu Xoven y el Secretariu de Conceyu Xoven de Ponferrada participaran esta fin de selmana nel Congresu de la formación valencianista. Nel alcuentru, nel que participanun Unió de Joves, Juventudes Andalucistas, Gazte Abertzaleak y outras formaciones políticas, el nuesu Secretariu Xeneral defendíu'l dreichu del País Llïonés a un estatutu d'autonomía propiu y a que seyan los llïoneses quienes marquen el nuesu grau d'autogoviernu políticu. El Secretariu Xeneral del BNV, presente nel autu, ufiertóu al llïonesismu "tot el nostre suport".

Web del Bloc Jove

Conceyu Xoven apuesta nel Congresu de JJ.AA. por un nuevu marcu políticu
Setiembre y 26

Conceyu Xoven na Escola d' Estiu d'Unió de Joves
Xunetu y 18

Representantes de Conceyu Xoven asistienun convidaos pola direición d'Unió de Joves a la Escola d'Estíu desendolcada esta fin de selmana na llocalidá barcelonesa de Tiana.
La Escola d'Estíu, que tenía comu finxu cimeiru l'afondamientu na reforma l'estatutu d'autonomía, cuntóu cona presencia de ponentes comu Josep Antoni Duran i Lleida, portavoz de Ciu nel Congresu los Diputaos,  Josep Romeu, Coordinador del Observatori de la Llengua Catalana, ou Nuria de Gispert, miembru de la Comissió redactora del Nou Estatut al Parlament de Catalunya.
Nesti mesmu actu, fonun escoyíos Joan Miquel Pujols, Secretari d'Organització,  Anna Boada Secretària de Relacions Institucionals, y Pep Moliner comu Secretari General.

+información

Conceyu Xoven n'Artieda '05
Xunetu y 18

Una delegación de Conceyu Xoven asistíu la pasada fin de selmana a las xornadas desendolcadas por Chobenalla Aragonesista na llocalidá d'Artieda. Ente las autividaes ufiertadas pola organización atopabanse xuegos tradicionales, conciertos, alderiques sobru los embalses de Yesa ya Itoiz y falas sobru la conservación del Pirinéu.

Alex Díez, Vicesecretariu de Mediu Ambiente, camentóu los problemas que sufre'l País Llïonés nu que cinca a Mediu Ambiente y la llucha del pueblu de Riañu escontra'l pantanu que s'impuxu na zona.

Congresu de Chobenalla Aragonesista
Noviembre y 4

Conceyu Xoven participóu, xunta a los Joves d'Esquerra Republicana de Catalunya, JEN-PSM, MIAS, Joves d'Iniciativa per Catalunya, las Mocedaes del Partíu Socialista d'Andalucía, Xuventúes del Partíu Ocitán, Gazte Abertaleak y Mocedaes d'Aralar, nel congresu de Chobenalla Aragonesista. Chobenalla, organización cona cuála Conceyu Xoven tien unas fondas rellaciones d'amistanza, desendolcóu un congresu nel qu'afitóu'l sou posicionamientu en defensa de la mocedá aragonesa. Las organizaciones participantes robraran un documentu conxuntu en defensa la natura y en contra de la esplotación hidráulica de los recursos de montaña, participandu'l Vicesecretariu de Mediu Ambiente de Conceyu Xoven, Alex Díez y el nuesu Secretariu Xeneral, Abel Pardo.

Visita al Parlament de Catalunya
Outubre y 6

Conceyu Xoven visitóu'l Parlament de Catalunya, convidaos por Unió Democrática de Catalunya (UDC), y siendu recibíos por Antoni Castellà i Clavé, qu'anguanu ye'l rersponsable d'UDC na Comissió d'Estudi de la Situació de les Polítiques de Joventut a Catalunya. Na comida institucional, desendolcada na propia Generalitat, los responsables de Conceyu Xoven tuvun la oportunidá d'amosare la situación que vive'l
nuesu país y conocere'l proyeutu de reforma del estatut de Catalunya.

Conceyu Xoven participa nel XII Congrés d'Unió de Joves
Outubre y 6

Una delegación de Conceyu Xoven participóu esta fin de selmana nel XII Congresu y 72 Cabudañu de la Unió de Joves. La delegación de la nuesa organización, xunta a Galiza Nova, Juventudes Andalucistas, Bloc Jove, y Joventuts d'Entesa Nacionalista-Partit Socialista de Mallorca tuvun un alcuentru col Conceyeiru de Mocedá de Tarragona nel que s'amosanun las práuticas que dende'l nacionalismu catalán tán a desendolcare
nesta capital. Nel peche del Congresu intervinu'l nuesu Secretariu Xeneral, Abel Pardo, qu'amosóu'l sofitu de Conceyu Xoven pa con un nuevu estatutu de Cataluña que fraye col sistema autonómicu d'anguañu, ufriendu al País Llïonés la posibilidá d'algamar un estatutu que posibilite l'entamu del autogoviernu.