El trabayu desendolcáu por Conceyu Xoven tien tres esfoutos cimeiros:

Xunidá de tolos territorios llïoneses
Autogoviernu pa Llión
Oficialidá de la Llingua Llïonesa

CONCEYU XOVEN nagua por recuperar la xunidá y l'autogobiernu de tolos territorios de cultura llïonesa. Angüañu, y por aciu de la pérdida total de la nuesa soberanía y el sometimientu a dous gobiernos foriatos, el nuesu País alcuéntrase axebráu en dellas provincias, Comunidaes Autónomas y en dous Estaos, l'Español y el Portugués.

Sicasí, el cabeiru reductu nel que s'abelluga la identidá llïonesa güei ye la Provincia de León, espaciu políticu al que quixeren reducir el nuesu País, y que nun ye nin un 30% del territoriu por u s'esparde la nuesa cultura.

Cuando'l Goviernu Español abríu la puerta de mínima capacidá d'autogobiernu pa las nacionalidaes y rexones que la forman, Llión foi la única Nación a la que se-y negóu. El nuesu país foi xuníu a los restos de Castiella, nuna artificial Comunidá Autónoma inventada nun despachu y escontra la voluntá'l nuesu pueblu, col envís d'aniquilar la nuesa cultura.

La carencia dafechu del mínimu grau d'autogobiernu, la ocupación alministrativa de Llión por parte del Goviernu Colonial de Valladolid, la división artificial del país en tres provincias, incluyendo partes del mismu n'outras y en dellas Comunidaes Autónomas, y la separación dende cuantayá de los Territorios del Sabor, fomentan una cafiante pérdida d'identidá nacional.

Dada la carencia de cualisquier nagüe oficial, CONCEYU XOVEN considera un llabor cimeiru y urxente'l defender, con tolos preseos al sou algame, la cultura llïonesa allí u s'alcuentre. Nun segundu intre, pasaremos a la reivindicación política.

Nun entamu, desiximos la creyación inmediata d'una Comunidá Autónoma Llïonesa dientru l'Estáu Español y formada polas actuales Provincias de Llión y Zamora, y la convocatoria d'un refrendun de reunificación nos territorios llïoneses de Salamanca, Valdïorras, marxe izquierda del Valderaduei y Franxa'l Carrión.

Inmediatamente habrá convocase una mesa de negociación pa establecer los calces de reincorporación a la Comunidá Autónoma Llïonesa de los Territorios llïoneses baxu alministración Portuguesa del rigu Sabor.

CONCEYU XOVEN nun nagua por una Autonomía Llïonesa supeditada a las Lleis del Estáu Español, sinón pol Plenu Autogoviernu Llïonés. L'algame d'una Autonomía angüañu ye, namái, un pasu pal plenu Autogoviernu.