Normas de matriculación
- MATRÍCULA ORDINARIA
Consta de cincu cursos con diferentes estayas sigún la evolución de la conocencia de los alunos.
Criteriu d’evaluación:
La evaluación del alunu tendrá de basa los criterios que vienen darréu:
- esame parcial tantu nel mes de febreiru comu xunu de las temas estudiadas.
- esame final al que deberán presentase aqueillos alunos que nun tuvieran superaos ún ou los dous esames parciales.
- evaluación continua del trabayu del alunu.
El conteníu de los esames sedrá siempres las temas y conteníos impartíos pol profesoráu nas clases, y sedrá de tipu escritu y oral.
Superación de los cursos:
Pal pasu de cursu ye OBLIGATORIU tener aprobáu (nota numbérica 5), ou calificación superior, l’esame final ou la nota media aritmética de los dous parciales.
L’alunu de nueva matrícula acede direutamente a Primeiru. Nel casu de que quiera aceder a outros cursos deberá superar un esame que capacite y reconoza la sua conocencia de Llïonés y la sua normativa, amás de las temas de sociullingüística y hestoria.
Certificáu d’Asistencia:
A tolos alunos que se matriculen cona matrícula ordinaria obtendrán el Certificáu d’Asistencia siempres qu’asistan AL MENOS AL 80% de las horas docentes. L’asistencia a las clases ye voluntaria.
2. MATRÍCULA LLIBRE:
Opcionalmente podrán presentase aqueillos alunos que quieran facere sólu y esclusivamente l’esame final. Esta matrícula implica la non asistencia a clases y polu tantu, la non entrega al alunu del certificáu d’asistencia
Solicitú ya iscriciones:
Concejalía de Cultura
C/ Ordoño II 10, Piso 3
987895499
Ayuntamiento de León
24071 Llión
|
