El cómic en cuestión narra la hestoria d'un oriciu que defende la sua tierra escontra l'intentu de colonización autonómicu. L'oriciu arranca los carteles qu'hai na sua propiedá y ye, lliteralmente, SECUESTRÁU por responsables autonómicos.
Ordoñu ye traslladáu a Fuensaldaña, sede del goviernu autonómicu, onde, tras reburdiar enforma y amosare la sua disconformidá conas istituciones autonómicas, ye sometíu a un LLAVÁU DE CELEBRU.
En tol cómic hai vexaciones p'hacia los que refugan la comunidá y los sous muérganos, una impresentable visión del conceyu tradicional llïonés comu propiu d'Atapuerca que finaba a garrotazos, y deillos símiles impresentables.
Frases comu "¿derechos de los erizos?¿Qué tontería es ésa?" (recordemos, los oricios representan a los llïoneses) amuesan nidiamente cuál ye la impresión que se tien de los drechos de los llïoneses.
A la fin, comu yera pescanciable, l'oriciu "asimila" y fina cediendu'l sou territoriu a las Cortes Autonómicas. Sólu al voceiru d'UPL en Fuensaldaña paez que nun-y abulta normal el comportamientu.

Conceyu Xoven quier denunciare, nuevamente, l'intentu de manipulación, terxiversación y asimilación pola parte de los responsables castellanoleoneoneses de la nuesa cultura, identidá y hestoria.
Esta vuelta, amás, nun se cortan en ridiculizar al pueblu llïonés y ufiertar una imax d'esti pueblu de "vándalos reconvertidos".

Ampliar

¡BASTA YÁ!

Ver el comic enteiru