Xunu y 30

El Conceyeiru de Cultura Llïonesa del Conceyu de Llión y Secretariu Xeneral de la nuesa organización, Abel Pardo Fernández, apresentóu guei la nueva ñiciativa de la sua conceyería y tamién fitu históricu nel procesu de recuperación y normalización del nuesu idioma: Llionpedia, la enciclopedia en llingua llïonesa participativa y de baldre.

Llionpedia ye una ferramienta enciclopédica on-line, a la que cualisquiera usuariu ou falante de llingua llïonesa puede acedere al traviés de la direicion www.llionpedia.eu. Esti espaciu naz cun más de mil artículos en llïonés, pudienduse creyare pur parte de los internautas una infinidá más d'eillos ou bien modificar ou enantare los yá esistentes.

Pardo destacóu que l'oxetivu d'esta ñiciativa ye dare puxu al idioma y al sou valor cultura cul mínimu coste que supunxu l'alquisición del domiñu .eu.

Llionpedia
Nota de Prensa
El Mundu
Leonoticias
Diario de León
La Crónica
Periódico León
León Digital
Sprawi Languages
Observatorio da Lingua Galega
E-Norte
Cambridge

Xunu y 22

Na tarde-nueche d'ayeri, ante una Plaza Don Gutierre chena dafeichu, Fred Morrison, consideráu'l miyor gaiteiru'l mundu, candóu'l III Festival Celta Reinu de Llión entamáu pula Conceyería de Cultura Llïonesa a cargu'l llïonesista Abel Pardo.

Fred Morrison amosóu la sua gran capacidá d'interpretación musical cun esti istrumentu que supón l'exemplu mas caráuterísticu d'aqueillos que definen la música celta ante un públicu que pechóu la sua autuación cun una gran ovación.

Cartel Oficial
La Crónica

Xunu y 22

Na mañana'l pasáu domingu, desenrollouse nel Palaciu Don Gutierre'l IV Día de la Llingua Llïonesa, entamáu pula Conceyería de Cultura Llïonesa a cargu'l llïonesista Abel Pardo.

El Salón d'Autos quedóu piqueñu ante las más de trescientas personas que presencionun l'eventu. Tras un discursu del conceyeiru d'esta estaya nel que s'amentóu l'arguyu que supón el feichu de que pur fin la llingua llïonesa tea siendu dinificada, normalizada y deprendida nos colexos, entregónunse los diplomas a tolos alunos que n'esti añu participonun tantu n'autividá estraescolar de Llingua y Cultura Llïonesa cumu nos cursos p'adultos de llïonés.

A lu llargu l'autu bien de poemas na nuesa llingua fonun lleíos pur parte de los escritores Luis Artigue, Miguel Escanciano, Xairu Llópez y Xuasús González, candánduse esta cellebración cun cantares tradicionales y vaqueiradas pur parte del vocalista del grupu llïonés pandetrave y l'autuación de la Banda de Gaitas Ciudá de Llión, que prosigíu la sua autuación durante una hora na Plaza Don Gutierre mentantu los asistentes yeran agayasaos cun un aperitivu.

Leonoticias
La Crónica
La Crónica (2)
Diario de León (1)
Diario de León (2)
Gente Digital

Xunu y 21

Pasaos escasos minutos de las 22,00 horas y ante una plaza Don Gutierre chena dafeichu, el grupu irlandés Beoga continuaba cuna sua propuesta musical el III Festival Celta Internacional Reinu de Llión entamáu pula Conceyería de Cultura Llïonesa del Conceyu de Llión a cargu'l llïonesista Abel Pardo Fernández.

La plaza, presidida pulas bandeiras de las nueve naciones celtas ente las qu'ocupaba llugar de preferencia la del Reinu de Llión, deleitouse cunos sones d'esti conxuntu, ún de los miyor valoraos anguañu n'este tarrén musical. Na tarde de guei a las 21,00 horas tamien na Plaza Don Gutierre, sedrá'l gaiteiru escocés Fred Morrison quienes prosigan cul festival.

Cartel Oficial

Xunu y 21

Pasaos escasos minutos de las 21,00 horas y ante una plaza Don Gutierre chena dafeichu, el grupu bretón Awen Magic Land inauguraba cuna sua propuesta musical el III Festival Celta Internacional Reinu de Llión entamáu pula Conceyería de Cultura Llïonesa del Conceyu de Llión a cargu'l llïonesista Abel Pardo Fernández, Secretariu Xeneral tamién de Conceyu Xoven.

La plaza, presidida pulas bandeiras de las nueve naciones celtas ente las qu'ocupaba llugar de preferencia la del Reinu de Llión, deleitouse cunos sones del conxuntu compuestu pur vocalista, percusionista, flauta, gitarra y arpa. Na tarde de guei a las 21,00 horas tamien na Plaza Don Gutierre, sedrán los llïoneses Gandalf quienes continuen cun esti eventu.

Leonoticias

Xunu y 20

Pasaos escasos minutos de las 21,00 horas y ante una plaza Don Gutierre chena dafeichu, el grupu asturianu Gatos del Fornu continuaba cuna sua propuesta musical el III Festival Celta Internacional Reinu de Llión entamáu pula Conceyería de Cultura Llïonesa del Conceyu de Llión a cargu'l llïonesista Abel Pardo Fernández.

La plaza, presidida pulas bandeiras de las nueve naciones celtas ente las qu'ocupaba llugar de preferencia la del Reinu de Llión, deleitouse cunos sones d'esti conxuntu que ta allugánduse nu cimeiru de la música folk asturiana. Na tarde de guei a las 22,00 horas tamien na Plaza Don Gutierre, sedrán los irlandeses Beoga quienes prosigan cul festival.

Cartel Oficial

Xunu y 19

Pasaos escasos minutos de las 21,00 horas y ante una plaza Don Gutierre chena dafeichu, el grupu llïonés Gandalf continuaba cuna sua propuesta musical el III Festival Celta Internacional Reinu de Llión entamáu pula Conceyería de Cultura Llïonesa del Conceyu de Llión a cargu'l llïonesista Abel Pardo Fernández.

La plaza, presidida pulas bandeiras de las nueve naciones celtas ente las qu'ocupaba llugar de preferencia la del Reinu de Llión, deleitouse cunos sones del conxuntu acompañáu d'un grupu de pandereteiras qu'interpretonun tamién temas llïoneses del xeitu mas tradicional. Na tarde de guei a las 21,00 horas tamien na Plaza Don Gutierre, sedrán los asturianos Gatos del Fornu quienes prosigan cul festival.

Cartel Oficial

Xunu y 18

Pasaos escasos minutos de las 21,00 horas y ante una plaza Don Gutierre chena dafeichu, el grupu bretón Awen Magic Land inauguraba cuna sua propuesta musical el III Festival Celta Internacional Reinu de Llión entamáu pula Conceyería de Cultura Llïonesa del Conceyu de Llión a cargu'l llïonesista Abel Pardo Fernández, Secretariu Xeneral tamién de Conceyu Xoven.

La plaza, presidida pulas bandeiras de las nueve naciones celtas ente las qu'ocupaba llugar de preferencia la del Reinu de Llión, deleitouse cunos sones del conxuntu compuestu pur vocalista, percusionista, flauta, gitarra y arpa. Na tarde de guei a las 21,00 horas tamien na Plaza Don Gutierre, sedrán los llïoneses Gandalf quienes continuen cun esti eventu.

Cartel Oficial
Diario de León
La Crónica

Xunu y 17

El Conceyeiru de Cultura Llïonesa, el leonesista Abel Pardo Fernández, apresentóu guei las autividaes qu'esti fin de selmana se desenrollarán nel Palaciu Don Gutierre, correspondientes a una Xornada de Puertas Abiertas del Palaciu Don Gutierre y al IV Día de la Llingua Llïonesa.

El Sábado, Xunu y 20, tendrá llugar la Xornada de Puertas Abiertas del Palaciu Don Gutierre, na cuala tolos ciudadanos podrán conocer esti edificiu, cellebránduse nel mismu a las 20,00 horas la inauguración d'una escultura de Don Gutierre rializada pul autor llïonés Juan Villoria. L'edil llïonesista apuntóu que la rialización d'esta escultura correspuende a la carencia de la ciudá en materia escultórica que represente a los llïonesese illustres qu'enriquecieran la historia del Reinu de Llión. Darréu tendrá llugar una autuación del Rabelista llïonés José Francisco Fernández Juárez.

El Domingu, Xunu y 21, cellebrarase'l IV Día de la Llingua Llïonesa cul que se rendirá homenax a la llingua vernácula del pueblu llïonés a partir de las 12,00 horas nel Salón d'Autos del Palaciu Don Gutierre. L'eventu costará d'una intervención del propiu Abel Pardo y una lleutura poética a cargu d'autores en llïonés cumu Xuasús González ou Xairu Llópez, asina cumu de los outros escritores que cumu norma xeneral nun son a usar esta llingua cumu mediu d'espresión escritu peru que pa esta ocasión sí que participaran d'eilla, cumu Luis Artigue ou Miguel Escanciano. Acabada esta lleutura, procederase a la entrega de diplomas a tolos llïoneses que n'esti añu participonun nos cursos de llïonés p'adultos ou n'autividá estraescolar de Llingua y Cultura Llïonesa impartida nos colexos de Llión, pechánduse l'eventu cun una autuación del músicu llïonés Rodrigo Martínez qu'interpretará unas "Vaqueiradas", cantares tradicionales de la val de Tsaciana, y un pasacalles a partir de las 13,00 horas a cargu de la Banda de Gaitas Ciudá de Llión.

Cartel Oficial
Leonoticias
La Crónica

Xunu y 11

El llïonesista Abel Pardo, Conceyeiru de Cultura Llïonesa del Conceyu de Llión, apresentóu na mañana d'ayeri el III Festival Celta Internacional Reinu de Llión qu'entama la sua conceyería cul envís de dare continuidá al festival que yá tuviera dúas ediciones más n'años anteriores.

El festival que se desenrollará na Plaza Don Gutierre, xunta'l palaciu'l mismu nome que vien siendu dende va bien de tiempu'l centru la cultura llïonesa na ciudá de llión, cuntara cunos grupos musicales, datas y horas que detallamos darréu:

· Miércoles, Xunu y 17 a las 21,00 horas: Awen Magic Land (Bretaña)
· Xueves, Xunu y 18, a las 21,00 horas: Gandalf (Reinu de Llión)
· Vienres, Xunu y 19, a las 21,00 horas: Gatos del Fornu (Asturias)
· Sábadu, Xunu y 20, a las 22,00 horas: Beoga (Irlanda)
· Domingu, Xunu y 21, a las 21,00 horas: Fred Morrison (Escocia).

Cartel Oficial
Leonoticias
Diario de León
La Crónica
El Confidencial
ADN
Periódico León

Xunu y 9

El grupu UPL del Conceyu de Llión solicitóu guei la asunción de la titularidá de los cincu centros municipales d'escuelas infantiles de la ciudá y la creyación d'un guérganu conxuntu ente la Junta y el Conceyu de Llión pa estudiar el traspasu de las competencias en materia educativa pal restu de los ciclos.

En palabras del Conceyeiru d'Educación y Secretariu Xeneral de la nuesa organización, Abel Pardo Fernández, ye fundamental asumire la mayor cantidá de competencias sobrutóu n'educación, turismu y cultura, acompañadas de la trasferencia de las partidas presupuestarias correspondientes, axeitadas a las nuesas necesidáes.

Diario de León
Leonoticias
Europapress
La Crónica
La Crónica (2)

Xunu y 5

El Diariu Llïonés Leonoticias espubliza guei una tribuna del nuesu Secretariu Xeneral, Abel Pardo Fernández, na que fae analís de la situación de precariedá del nuesu país cun respeutu a Europa y del desaniciu xeneráu pula autual crisis y l'olvíu que sufrimos pur parte de tolos partidos que s'apresentan a estas eleiciones europeas en cuyos programas eleutorales rescampla la total ausencia de volunta pa un amiyoramientu de la nuesa situación cumu pueblu desemeyáu.

Leonoticias

Xunu y 5

Na tarde d'ayeri, trascurríos escasos minutos de las ochu la tarde y ante un Salón d'Autos del Palaciu Don Gutiérre práuticamente chenu, continuaban las II Xornadas Cultura Llïonesa y Deporte entamadas pula Conceyería de Cultura Llïonesa, a cargu'l llïonesista Abel Pardo cuna conferencia del Vicariu Parroquial de la Eigrexa'l Mercáu, Manuel Santos Flaker Labanda, acerca de los ñicios del cultu a la Virxe na Provincia de Llión.

La conferencia versóu sobru Nsa. Sra. del Mercáu (antigua'l Camín), n'eilla, el ponente partíu d'una piqueña investigación sobru'l feichu asocedíu en febreiru y 9 de 560, chamáu "l'apaición", faciendu darréu un recorríu pula historia de la devoción, y las repercusiones populares qu'ésta tuvu en Llión, cun referencias a la imaxe y outras curiosidáes.

La prósima conferencia d'esti ciclu tendrá llugar el prósimu llunes, Xunu y 8, tamién nel Salón d'Autos del Palaciu Don Gutierre a las 20,00 horas, a cargu de la Médicu del C.B. San José, Belén Santamarta, quien rializará un analís acerca de la muyer y la sua presencia nel deporte profesional.

Programa de Conferencias

Xunu y 4

Na tarde d'ayeri, xunu y 3, momentos depuéis de las ochu la tarde, Ricardo Gonzalo de Grado, Entrenador del C.B. Leon protagonizóu la segunda ponencia de las II Xornadas Cultura Llïonesa y Deporte nel Salón d'Autos del Palaciu Don Gutierre, falandu sobru la historia'l clu dende'l sou puntu de vista pueis perteneciera a deillas categorías del mismu, desenrollandu desemeyadas xeiras nel trascursu de mueitas temporadas.

El ponente, proyeutóu la conferencia cumu la memoria de dúas vidas paralelas, la súa y la del clu. Na tarde de guei, sedrá'l vicariu Parroquial de la Eigrexa'l Mercáu, Manuel Santos Flaker Labanda, quien fale sobru Los Ñicios del Cultu a la Virxe na Provincia de León

Programa de Conferencias
Periódico León
Leonoticias

Xunu y 3

Trascurríos escasos minutos de las ochu la tarde, y tras una breve presentación del presidente de la Peña El Tambor, Ricardo Ferradal Pérez escomencipiaba ante un Salón d'Autos del Palaciu Don Gutierre práuticamente chenu la sua conferencia sobru Las Ferias y Fiestas de San Xuan y San Pedru n'outros tiempos, primeira ponencia de las II Xornadas Cultura Llïonesa y Deporte entamadas pula Conceyería de Cultura Llïonesa del Conceyu de Llión, a cargu'l llïonesista Abel Pardo.

Ferradal desplicóu deillos aspeutos de la cellebración que nomaba a esta conferencia, afondandu en cúmu la vivían los llïoneses d'outros tiempos y faciendu analís de la sua evolución cun dalguna qu'outra pincelada aneudótica.

Na tarde de guei tendrá llugar a las 20,00 horas tamién nel Salón d'Autos del Palaciu Don Gutierre la segunda conferencia, a cargu de Javier Gonzalo de Grado, Entrenador del C.B. León, quien falará sobru la historia d'esti club.

Programa de Conferencias
Periódico León

Xunu y 1

Pur segundu añu consecutivu la Conceyeria de Cultura Llïonesa a cargu'l llïonesista Abel Pardo entama las Xornadas Cultura Llïonesa y Deporte en collaboración cuna Peña El Tambor y n'esta oucasión tamién cul Club Baloncesto San José.

Estas xornadas tarán basadas nuna riestra de conferencias que se desenrollarán ente los dias de Xunu y 2 y Xunu y 11 nel Salón d'Autos del Palaciu Don Gutierre a las 20,00 horas, cuntandu cun conferenciantes cumu'l propiu Conceyeiru, l'entrenador del C.B. Leon ou'l Vicariu Parroquial de la Eigrexa'l Mercáu ente outros. Más informacion nel programa alxuntu.

Programa de Conferencias
Diario de León
La Crónica
Periódico León