Xunu y 1
 La nuesa organzación quier denunciare públicamente los abusos que pula parte de los antidisturbios del CNP (procedente fundamentalmente de Valladolid) ta faciendu p'hacia los llïoneses en xeneral y a aqueillos que nos sous coches portan distintivos de Llión, País Llïonés ou cualisquier outru autupegante, bandeira ou siña d'identidá llïonesa, tratándunos cumu si fueran una fuerza militar ayena a los ciudadanos a los que dicen defendere. Esta fuerza policial (procedentes fundamentalmente de Valladolid), que nada tienen que vere cuna Policía Nacional afitada en Llión, y que na sua mayoranza proceden de Valladolid tratan cun despreciu, falta d'educación y retienen ensín dengún xeitu a los llïoneses simplemente pur amosare cun distintivos lu que somos: llïoneses, en dalgunos casos ensín identificase nin siquier cumu policía. Las nuesas queixas yá tán feichas arribare a la Subdelegación del Goviernu en Llión pa que tome las medidas afayadizas, y de sigire nesi xeitu, vedrémosnos obligaos a cursare las denuncias pertinentes nos xulgaos.
|
Nuna tribuna espublizada na edición llïonesa d'El Mundu, el nuesu Secretariu Xeneral, Abel Pardo, fai un analís sobru'l programa de goviernu que tendrá Llión darréu d'escoyer alcalde ente los candidatos de los partíos políticos cun representación nel Conceyu de Llión. 
El Pautu UPL-PSOE, na ciudá de Llión reconoz na sua estaya política la llucha en favor de la'autonomía llïonesa nel documentu ellaboráu pul nuesu Secretariu Xeneral, Abel Pardo, cumu propuesta d'UPL y robráu pur Francisco Fernández cumu Candidatu Socialista y Javier Chamorro cumu Candidatu de la UPL.
El nuesu secretariu xeneral, Abel Pardo, espubliza guei na edición llïonesa d'El Mundu, una nueva tribuna na qu'analiza'l nuevu pautu de goviernu ente UPL y PSOE, el cual recueye la voluntá del pueblu llïonés a tener una autonomía propia y los pasos a sigire p'algamala pulas vías democráticas.
La edición llïonesa d'El Mundu espubliza guei una entrevista rializada al nuesu Secretariu Xeneral, Abel Pardo, na que desplica las autuaciones que va desenrollare dende'l sou cargu cumu Conceyeiru d'Educación, Cultura tradicional Llïonesa y Nuevas Teunoloxías p'algamare tolas competencias que corrempuenden al Conceyu de Llión n'estayas educativas. 
