Xunu y 7
 La nuesa organización participóu nel alcuentru desendolcáu, nel que se punxenun enriba la mesa las vindicaciones llïonesas pa creyare la nuesa propia rede d'atención a la mocedá.
Nesi sen, Conceyu Xoven espunxu que'l País Llïonés necesita una rede propia que faiga de la información y asesoramientu ún de los finxos cimeiros de las políticas p'hacia la xente nueva.
El Puntu d'Información Xuvenil de Conceyu Xoven ye guei ún de los referentes ente los servicios d'esti xeitu, con una esperiencia de más d'ochu años.
|
El cabeiru aconceyamientu del Comité Executivu Central de la Unión del Pueblu Llïonés vien d'aprobare una proposición de Conceyu Xoven pola que la nuesa organización cuntará con un representante en tolos Comités Comarcales del partíu. Nesi sen afondan entá más las rellaciones ente la nuesa organización y el nuesu partíu, que d'esti xeitu amuesa un fuerte apueste porque la mocedá tea presente nos muérganos de decisión de la Unión del Pueblu Llïonés.
La Vicesecretaría de Nuevas Teunoloxías llanza outra vuelta la web del nuesu comité en Ponferrada. 
Xesús Andrés Castru ye'l nuevu secretariu del Conseyu de la Mocedá de Zamora, dispués de la cabeira Asembleya desendolcada esta pasada fin de selmana. Los nacionaliegos llïoneses algamamos d'esti xeitu'l preste de las asociaciones con un programa en favor de la cultura, la llingua y los dreichos de la mocedá de Zamora. 
La nuesa organización tuvu presente na Feria Xuvenil "Expoxoven" amosandu la sua campaña en favor de la xunidá, la oficialidá y l'autogoviernu del País Llïonés. D'esti xeitu entama la campaña de branu con presencia en ferias nas qu'amosare por tol país las aiciones y propuestas del nacionalismu llïonés, cumpliendu col finxu afitáu nel cabeiru Congresu Nacional.
