Xunetu y 18
 Representantes de Conceyu Xoven asistienun convidaos pola direición d'Unió de Joves a la Escola d'Estíu desendolcada esta fin de selmana na llocalidá barcelonesa de Tiana.
La Escola d'Estíu, que tenía comu finxu cimeiru l'afondamientu na reforma l'estatutu d'autonomía, cuntóu cona presencia de ponentes comu Josep Antoni Duran i Lleida, portavoz de Ciu nel Congresu los Diputaos, Josep Romeu, Coordinador del Observatori de la Llengua Catalana, ou Nuria de Gispert, miembru de la Comissió redactora del Nou Estatut al Parlament de Catalunya.
Nesti mesmu actu, fonun escoyíos Joan Miquel Pujols, Secretari d'Organització, Anna Boada Secretària de Relacions Institucionals, y Pep Moliner comu Secretari General.
+información |
La nuesa organización participara nesta nueva edición de la Fiesta de las Comarcas Llïonesas entamada pola asociación "Raigañu". Conceyu Xoven, al traviés del sou están asitiáu en La Virxen del Camín, ufiertóu a los visitantes la posibilidá d'averase a conocere los nuesos finxos y las actividaes desendolcadas, dentru de la campaña en favor de la Xunidá, la Oficialidá y l'Autogoviernu que Conceyu Xoven ta desendolcandu polas ferias del país.
Una delegación de Conceyu Xoven asistíu la pasada fin de selmana a las xornadas desendolcadas por Chobenalla Aragonesista na llocalidá d'Artieda. Ente las autividaes ufiertadas pola organización atopabanse xuegos tradicionales, conciertos, alderiques sobru los embalses de Yesa ya Itoiz y falas sobru la conservación del Pirinéu.
