|
Xuliu y 28
 Continuandu cuna campaña "Reinu de Llión · Descubri un País", el prósimu domingu, Agostu y 3, fadráse un viax a Las Arribes del Douru nel que los participantes podrán averase a una de las fasteiras más interesantes del País Llïonés. N'esta escursión visitaránse los principales puntos d'interés turísticu d'esti fermosísimu llugar, rializánduse tamién un viax en barcu pulas auguas del Douru al traviés del clisante cañón pul que'l ríu s'abre pasu.
Los interesaos n'acudir a la escursión han dirixise a la Conceyería de Cultura Llïonesa, allugada nel Palaciu Don Gutierre (tlfno. 987 334 370). El preciu de la misma ye de 10 € pa empadronaos nel Conceyu de Llión y de 20 € pa los non empadronaos.
Reinu de Llión · Descubri un País
|
|
Xuliu y 21
 El prósimu domingu, Xuliu y 27, prosige la campaña "Reinu de Llión · Descubri un País" entamada pula Conceyería de Cultura Llïonesa cuna escursión "El Bierzu" na que se visitará la zona más oucidental del País Llïonés. N'esti viax los participantes podrán esfrutare d'un percorríu pulos cimeiros puntos d'interés turísticu de la ciudá de Ponferrada, que cumple 100 años cumu tala y d'ún de los requeixos más fermosos de la nuesa tierra, Los Ancares, n'onde se sumerxirán na cultura llïonesa más viva. Los interesaos n'acudir a la escursión han dirixise a la Conceyería de Cultura Llïonesa, allugada nel Palaciu Don Gutierre (tlfno. 987 334 370). El preciu de la misma ye de 10 € pa empadronaos nel Conceyu de Llión y de 20 € pa los non empadronaos.
Reinu de Llión · Descubri un País
|
|
Xuliu y 18
Tolos diarios llïoneses de guei recueyen la rueda de prensa dada ayeri pul Conceyeiru de Nuevas Teunoloxías del Conceyu de Llión y Secretariu Xeneral de Conceyu Xoven, Abel Pardo.
Na riestra de nuevas espublizadas chégase a la conclusión de que'l feichu de que los llïoneses puedan acedere de baldre dafeichu a Internet dende deillos puntos de Llión, supón un pasu bien curiosu pa que la ciudá seya una más de las capitales europeas que tan na vanguardia teunolóxica, garantizandu l'averamientu de las nuevas teunoloxías a la ciudadanía.
Leonoticias
La Crónica
Diario de León
GenteDigital
ABC
Iníciate
El Norte de Castilla
Menéame |
|
Xuliu y 17
El llïonesista Abel Pardo, Conceyeiru de Nuevas Teunoloxías, apresentóu guei cabu’l Palaciu Don Gutierre la campaña “Llión wifi”.
Esta iniciativa ye ún de los puntos cunos que la Conceyería de Nuevas Teunoloxías del Conceyu de Llión pretende desenvolver un ampliu programa de telecomunicaciones p’allugar a Llión dientru de las ciudaes europeas de vanguardia teunolóxica. Abel Pardo indicóu que nesi sen LLIÓN WIFI vien a ufiertar a los llïoneses y visitantes la posibilidá de coneutase a Internet y llier el correyu elleutrónicu de baldre dafeichu.
Cul despliege d’esta rede MESH WIFI cualisquier presona que disponga d’un ordenador presonal, teléfonu móbil cun WIFI, vidiu consola ou outros dispositivos axeitaos, podrá aceder a la Rede Llïonesa de Telecomunicaciones gratis dafeichu. |
|
Xuliu y 14
 El prósimu domingu, Xuliu y 20, escomencipiará la campaña "Reinu de Llión · Descubri un país" entamada pula Conceyería de Cultura Llïonesa cuna escursión "Fortalezas del Reinu" na que se rializará una visita a las cimeiras cadarmas defensivas de las tierras llïonesas cumu son el Conxuntu Históricu de Grayal de Campos y el míticu castiellu de Coyanza pa sumerxinos na plena Edá Media del Reinu de Llión. La xornada acabará nas piscinas. Los interesaos n'acudir a la escursión han dirixise a la Conceyería de Cultura Llïonesa, allugada nel Palaciu Don Gutierre (tlfnu. 987 344 370). El preciu de la misma ye de 10 € pa empadronaos nel Conceyu de Llión y de 20 € pa los non empadronaos.
Reinu de Llión · Descubri un País
|
|
Xuliu y 11
 La Conceyería de Cultura Llïonesa del Ayuntamientu de Llión, a cargu del nuesu Secretariu Xeneral Abel Pardo, entama esti branu a partir del día Xuliu y 20 y ata Setiembre y 21, una riestra de viaxes al traviés de tola xïografía del País Llïonés cul envís de que los ciudadanos puedan averase a la rïalidá llïonesa y afondare na conocencia de la cultura ya historia de la nuesa nación.
Las visitas sedrán tolos domingos y n'eillas los participantes esfrutarán de los cimeiros puntos d'interés turísticu y cultural de llugares tan fermosos cumu El Bierzu, Las Arribes del Douru, San Gloriu, Tierra del Vinu, Miranda del Douru, Puertu de Pinos, Salamanca, Zamora, ou Bregancia. El precio d'estas escursiones ye de 10 € pa empadronaos nel Conceyu de Llión y 20 € pa los que non.
Información ya iscriciones:
Conceyería de Cultura Llïonesa
Palaciu Don Gutierre
24003 Llión
Teléfonu: 987 344 370
Reinu de Llión · Descubri un País
Leonoticias
La Crónica
Diario de León
Leondigital
GenteDigital
|
|
Xuliu y 9
 La nuesa organización tuvu presente nel aconceyamientu de guei a la tarde nel Conseyu de la Mocedá de Llión nel que se diou pur concluyíu l'esbozu de los estatutos que marcarán la prósima dómina d'esta entidá. N'eillos algamóuse que los nuesos finxos de Xunidá, Ouficialidá y Autogoviernu tean bien presentes, yá que tantu 'l nome cumu tola documentación emitida pul conseyu sedrá billingue dafeichu llïonés - castellán, y queda nidiamente garantizada la defensa de la cultura, tradición y llingua llïonesas cumu ún de los oxetivos básicos d'esti conseyu.
|
|
Xuliu y 7
 El diariu Llïonés La Cronica acaba d'espublizare na sua edición de guei un artículu robráu pul nuesu Secretariu Xeneral nel que s'amuesa cumu'l nuesu país nun puede facere frente a la crisis que sufre l'oucidente européu pula carencia del más mínimu grau d'autogoviernu.
N'esti escritu comprébase cumu las torgas impuestas dende la capital castellana de Valladolí son la causa cimeira de que la desaceleración económica tea mueitu más acentuada nel País Llïonés.
Autogobierno como solución a la crisis
|
|
Xuliu y 1
La nuesa organización acaba d'asoleyare cuatru nuevos modelos de pegadiellas cunos que sigire puxandu pur espardire los nuesos oxetivos ente la mocedá llïonesa.
Tou aquel afiliáu ou simpatizante que quiera facese cun eillas sólu tien qu'averase a la nuesa sede nacional, allugada na Avenida República Argentina 13, Bis 1, na ciudá de Llión y recoyelas. Podéis velas nos enllaces que sigen darréu, quedandu tamién espublizadas na seición descargas de la nuesa web.
Asperamos que vos presten.
|
|
