|
Xineiru y 26
 El Secretariu Xeneral de Conceyu Xoven, Abel Pardo Fernández, espubliza guei nel diariu llïonés La Crónica una tribuna na qu'amuesa la sua visión sobru l'autual crisis y el posible fallu a mediu-llargu plazu de las iguas que se tan aportandu, fundamentadas nel sofitu del estáu a las entidaes crediticias.
El problema del intervencionismo
La Crónica |
|
Xineiru y 21
 El Conceyeiru d'Educación del Conceyu de Llión y Secretariu Xeneral de la nuesa organización, Abel Pardo Fernández, diera nuncia nel día d'ayeri a a la prensa de la creyación de cuatru nueva estayas nu que respeuta a las autividaes estraescolares ufiertadas pul Conceyu de Llión.
La niciativa, qu'escomencipiará nel més de Mayu, tara basada na rialización de pequexuegos, una lludoteca d'inglés, espresión tiatral y un taller creyativu cul envís d'estimular a los más piqueños d'un xeitu qu'afonden nel conocimientu al traviés de la diversión.
El conceyeiru llïonesista tamién apuntóu que la conceyería s'aforrara un 20% del presupuestu d'outras llexislaturas pesia anantare l'horariu de los colexos y cuntare cun un monitor más.
Leonoticias
La Crónica
Diario de León |
|
Xineiru y 16
 El periódicu asturianu La Voz de Asturias espubliza guei una nueva na que se fae analís del procesu de recuperación llinguística del llïonés al traviés del llabor que se ta desenrollandu dende'l Conceyu de Llión, más concretamente dende las estayas dirixidas pul nuesu Secretariu Xeneral, Abel Pardo Fernández.
L'articulu amienta'l procesu de billinguísmu en tola documentación oficial de la másima istitución de la capital y l'emburrie afayadizu que se ta dandu a la llingua non sólu al traviés de documentación y nuevas, sinon tamién cuna publicidá d'autividaes en forma de carteles, mupys, etc. avanzandu mueitísimu en bien poucu tiempu.
La Voz de Asturias |
|
Xineiru y 16
 Pasaos dalgunos minutos de las 20,00 horas, el ponente Javier Callado fou apresentáu pul Conceyeiru de Cultura Llïonesa, Abel Pardo Fernández ante un salón d'autos del Palaciu Don Gutierre chenu dafeichu.
L'edil llïonesista asiñalóu la gran importancia d'eventos d'esti xeitu pa ufiertar a la sociedá llïonesa la posibilidá d'averase a la sua cultura más tradicional, puntu d'entamu de las nuesas carauterísticas cumu pueblu desemeyáu y clave de la nuesa evolución ata lu que somos anguañu.
Darréu de l'apresentación, Javier Callado, espertu en cultura tradicional llïonesa, rializóu un fondu repasu a las carauterísticas de la vivienda tradicional llïonesa, desplicandu las desemeyas ente ésta y las del arrodiu xïográficu cumu Galicia ou Cantabría. La conferencia tuvu centrada nel elementu arquiteutónicu d'el corredor y las suas variantes, ún de los aspeutos cimeiros de la nuesa arquiteutura cuyu sentíu ta fundamentáu na función de secare los produtos agrícolas, yá que la climatoloxía llïonesa torga'l sou secáu nel suelu.
Esta conferencia sirvíu d'inauguración pa la esposición fotográfica de la misma temática que puede visitase ata Febreiru y 20 de 9,00 a 21,00 horas tolos días llaborables nel Salón de Actos y Exposiciones del Palaciu Don Gutierre.
Cartel Oficial
Tríticu Informativu
Periódico León
Diario de León |
|
Xineiru y 14
 El prósimu xueves, xineiru y 15, y entamada pula Conceyería de Cultura Llïonesa del Conceyu de Llión, inaugúrase nel Palaciu Don Gutierre la esposición fotográfica "El Corredor na arquiteutura tradicional llïonesa", oubra de Javier Callado, Miguel Sánchez y Puri Lozano na que se fadrá una fonda amuesa d'esti elementu tan carauterísticu y fundamental na nuesa cultura, más concretamente nel tarrén arquiteutónicu.
L'entamu del autu correrá a cargu de Javier Callado nel Salón d'Autos del Palaciu Don Gutierre a las 20,00 horas cun una conferencia que versará sobru la temática de la esposición. La galería podrá visitase tolos días llaborables de 9,00 a 21,00 horas nel Palaciu Don Gutierre ata Febreiru y 20, pudiendu también disponere d'una visita comentada previsa solicitú nel tlfnu. 987 344 370.
Cartel Oficial
Tríticu Informativu
Periódico León
Gente Digital
Leonoticias
Diario de León |
|
Xineiru y 13
 Abel Pardo Fernández, Secretariu Xeneral de la nuesa organización, espubliza guei nel diariu llïonés la crónica una tribuna na que fae un analís de la nidia carencia en materia de comunicaciones que sufre'l nuesu país, siendu tratáu cumu un sencillu puntu xiográficu de pasu pa chegar a outros destinos.
N'esti artículu amiéntase tamién el Plan d'Infracadarmas que nós propunxéramos va mui bien d'años y del que guei remanecen las principales vindicaciones del llïonesismu tantu políticu cumu social en matería de vías de comunicación.
Infraestructuras y desarrollo |
|
Xineiru y 10
 El plenu del Conceyu de Mansiella de las Mulas aprebóu ayeri, Xineiru y 9, la propuesta de creyación d'una cai chamada "Reinu de León" a cargu del nuesu Vicesecretariu de Coordinación de Campañas y Conceyeiru en dicha corporación, Carlos Fernández.
La niciativa surdida cul oxetivu d'afitar ente la ciudadanía la conocencia de la historia del nuesu país, sirve tamién pa contribuyir a la cellebración del 1.100 aniversariu del Reinu de Llión y amuesa una vuelta más el compromisu de los conceyeiros de la nuesa organización pa cunos oxetivos que defendemos. |
|
Xineiru y 9
El nuesu Secretariu Xeneral y Conceyeiru d'Educación, Cultura Llïonesa y Nuevas Teunoloxías, Abel Pardo Fernández, informóu guei a la prensa de que la llingua llïonesa non sólu tará presente na emisión de documentos oficiales nel Conceyu de Llión, sinon que yá lu ta cumu puede comprebase en tolas nuevas espublizadas na .
Pardo apuntóu de la misma maneira que'l crecimientu a lu llargu d'esta llexislatura nel númberu d'alunos de llïonés fuera d'un 400% y qu'anguañu l'ochenta pur cientu de los colexos de primaria yá ufiertan el nuesu idioma ente las suas autividaes estraescolares, siendu l'oxetivu pal prósimu cursu políticu que'l 100% de los colexos privaos tamién lu faigan.
Leonoticias |
Xineiru y 4
 Ayeri pechóuse nel Salón d'Autos del Palaciu Don Gutierre el I Ciclu de Jazz FEICHU EN LLIÓN cuna autuación del Colectivo Jazz'takí.
El I Ciclu de Jazz Feichu en Llión péchase cun una gran acoyida ente'l públicu de la capital llïonesa cuntandu cun un chenu total en tolas autuaciones entamadas pula Conceyería de Cultura Llïonesa.
La Crónica
Diario de León |
|
Xineiru y 3
 El representante del Consorciu del Aeropuertu de Llión y Secretariu Xeneral de la nuesa organización, Abel Pardo Fernández, diera nuncia guei a la prensa de que las negociaciones p'algamare miyores destinos pal aeropuertu de Llión entran agora nun mes clave.
L'edil llïonesista indicóu que las suas preferencias céntranse en Llondres, Xermaña ya Italia, asiñalandu que'l casu de Llondres tien un aquel especial pul feichu de sere noyu de comunicación aerea cun bien de destinos internacionales d'America, Asia ou Oceanía.
Leonoticias |
|
Xineiru y 2
 Esti vienres tendrá llugar nel Salón d'Autos del Palaciu Don Gutierre el penúltimu conciertu del I Ciclu de Jazz "FEICHU EN LLIÓN" a cargu de Doctor Bogarde.
Tendrá llugar cumu siempres a las 20 h nel Palaciu Don Gutierre y cunta cun aforu llimitáu.
Cartel Oficial
Tríticu Informativu
La Crónica |
|
