Xineiru y 10
 Javier Callado, investigador y collaborador en bien de cursos organizaos pula nuesa asociación, apresentará mañana xineiru y 11 un nuevu llibru sobru cultura tradicional llïonesa. L'autu se desenvolverá na sede de Caixa Hespaña na Cai Independencia, al llau del Teatru Emperador, siendu llibre y tandu convidaos tolos nuesos afiliaos.
|
Xineiru y 11
 Conceyu Xoven sofita la creyación de l'Asociación puntuLLI, de la que la nuesa organización forma parte, en favor del pidimentu d'un domiñu propiu pa la llingua y la cultura llïonesa na rede.
L'Asociación puntuLLI tien tres finxos cimeiros:
* Promocionar el .lli na comunidá internauta cumu domiñu propiu y representativu de la cultura llïonesa espresada a través del nuesu idioma.
* Facer un pidimentu oficial a la ICANN (Internet Corporation For Assigned Names and Numbers) de la reconocencia del .lli, recoyendu los fondos necesarios nesi sen.
* Promovere y axuntare los sofitos particulares de las istituciones, asociaciones, organizaciones y coleutivos llïoneses a favor d'un domiñu propiu d'Internet.
Plataforma .LLI |
|
Xineiru y 16
 Nandu Sánchez, secretariu de Conceyu Xoven en Salamanca ye dende esta fin de selmana'l secretariu del nuevu comité d'UPL na capital charra.
La Unión del Pueblo Leonés creyara esti pasáu sábadu un nuevu comité llocal, esta vuelta na ciudá de Salamanca, nel qu'escoyera una nueva executiva cun una gran presencia de la nuesa organización nos muérganos direutivos.
Los sous finxos son encadarmar el llïonesismu salmantín y preparare la prósima convocatoria elleutoral, pa lu qu'escoyeran un comité cun 15 miembros. |
Xineiru y 21
 Abel Pardo, secretariu xeneral de la nuesa organización, nuna tribuna espublizada n'El Mundu, fala sobru la necesidá de convertir Llión na capital del tráficu aéreu y de cúmu l'aeropuetu de la ciudá tien que medrar pa ufiertar vuelos internacionales dende'l mesmu.
León, capital aérea del noroeste |
|
Xineiru y 29
 La propuesta de Conceyu Xoven, FADAE y JOCE pa que'l CJCyL s'axuntara a la Plataforma puntuLLI.org en favor d'un domiñu propiu pa la llingua y cultura llïonesa fou aprebáu pula asembleya desenrollada en Zamora esta pasada fin de selmana. los representantes de Conceyu Xoven, el Secretariu de la nuesa organización na Tierra'l Vinu, Vitu V. Pérez, y Rubén Vicente, asina cumu Xesús Andrés, secretariu del CJZ, algamanun d'esti xeitu'l preste de más de 40 organizaciones de calter autonómicu.
|
|
El nuesu secretariu xeneral, Abel Pardo, xunta'l Secretariu de Coordinación Llinguísitca, nuna rueda de prensa, anuncióu'l sofitu que la nuesa organización quier dar a la creyación d'un domiñu .LLI pa tolas páxinas que tengan que ver cuna cultura y la llingua llïonesa. 
