Setiembre y 15
 Conceyu Xoven, al traviés del sou Puntu d'Información Xuvenil, participóu nel alcuentru de Servicios Llïoneses d'Información Xuvenil, nel que s'afitanun las basas pa desenvolvere ñiciativas qu'afiten los servicios qu'ufiertan a la mocedá d'esti país informaciones alrodiu de temáticas desemeyadas.
La nuesa organziación propón una rede llïonesa que cubra tol territoriu llïonés superandu las artificiales llendes alministrativas tantu provinciales cumu estatales.
|
|
Setiembre y 17
 El nuesu Secretariu Xeneral Abel Pardo y el Vicesecretariu de Salú Daniel Fernández cellebranun un aconceyamientu cunos responsables de Conceyu Xoven na ciudá de Zamora. Nesti alcuentru afitánunse las basas de l'aición política de la nuesa organización nesti territoriu.
Nesi sen, Conceyu Xoven desendegeyará deillos proyeutos en favor de la xunidá, oficialidá y autogoviernu del País Llïonés. |
|
Setiembre y 18
 El nuesu país tuvu presente outru añu más na Festa dei Veneti (Fiesta los Venetos) desendegeyada a entamos d'esti mes. La bandeira llïonesa, xunta las d'outras naciones europeas ensin Estáu tuvu un puestu d'honor nas cellebraciones desendolcadas en favor de los dreichos nacionales, políticos y llinguísticos de los vénetos.
Conceyu Xoven quier amosar el sou sofitu a las vindicaciones desenrolladas por Raixe Venete (Raigones Vénetos) y encadarmadas pula asociación Raixe Venete(el nuesu Vénetu), que dirixe Patrik Riondato.
Web de Raixe Venete |
|
Setiembre y 29
 El Comité de Conceyu Xoven de Mansiella, del que ye Secretariu Carlos González, diseñóu las suas estratexias, campaña y autividaes pal presente exerciciu. Nuna reunión mantenida cul nuesu Secretariu Xeneral, Conceyu Xoven de Masiella afita d'esti xeitu las suas aiciones pa finar el 2006.
|
|
