|
Setiembre y 9
 Una nueva asociación en defensa de la llingua propia d'esta tierra, "El Toralín", viéu ayeri la lluz na llocalidá de Ponferrada. Ente los sous esfoutos tán la promoción del nuesu idioma y la reconocencia pola parte de las alministraciones públicas.
Dende Conceyu Xoven felicitamos a los promotores por esta ñiciativa.
Web d'El Toralín |
|
Setiembre y 13
 Conceyu Xoven de Ponferrada presentóu en prensa las suas prosimas autividaes na ciudá berciana. El nuesu comité llocal, tien comu finxu cimeiru encadarmar una campaña a favor de la Llingua Llïonesa y facer llegar a tola mocedá ponferradina la propuesta d'Estatutu feicha por Conceyu Xoven.
Outru de los oxetivos del comité ye la entrada en tolos centros educativos de la ciudá y la comarca en xeneral, asina comu l'afitamientu nos istitutos que yá cuntan cona presencia de la nuesa organización.
Nota de Prensa
Diario de León
DiarioDelBierzo.com
BierzoAlDia.com |
|
Setiembre y 18
 El nuesu país tuvu presente na cabeira edición de la Festa dei Veneti (Fiesta los Venetos) desendolcada a entamos d'esti añu nesi país. La bandeira llïonesa, xunta las d'outras naciones europeas tuvu un puestu d'honor nas cellebraciones desendolcadas en favor de los dreichos nacionales, políticos y llinguísticos de los vénetos. Conceyu Xoven quier amosar el sou sofitu a las vindicaciones desenrolladas por Raixe Venete (Raigones Vénetos) y encadarmadas pola asociación Veneto Nostro (el nuesu Vénetu), que dirixe'l nuesu collaciu Patrik Riondato.
Web de Raixe Venete |
|
Setiembre y 21
 Una delegación de Conceyu Xoven participará nel Congresu de Juventudes Andalucistas que se desendolcará esta fin de selmana na llocalidá de Sevilla.
JJAA son la organización referente de la mocedá andalucista, tandu presente en tol sou territoriu nacional y desendolcandu deillas campañas en favor de la soberanía del sou país.
Nota de Prensa |
|
Setiembre y 26
 Conceyu Xoven, que xunta organizaciones bascas, catalanas, valencianas, mallorquinas y ceutís tuvu aconceyada nel X Congresu de Juventudes Andalucistas, apostóu por un nuevu marcu políticu nel que la rïalidá d'anguañu y los finxos polos que naguan los ciudadanos seyan quienes afiten la cadarma política d'autogoviernu. Nesi sen, el nuesu Secretariu Xeneral, Abel Pardo, intervinu ante'l plenariu andalucista defendiendu los dreichos del País Llïonés a la xunidá, la oficialidá y l'autogoviernu.
El Mundo - La Crónica
|
|
