|
Outubre y 29
 Abel Pardo Fernández, Conceyeiru d'Educación, Cultura Llïonesa y Nuevas Teunoloxías nel Conceyu de Llión, y Secretariu Xeneral de Conceyu Xoven, pidirá en plenu al PSOE que nun ceda ante la Junta permitiendu que los uniformes de la Policía Llocal de Llión porten l'escudu de l'alministración autonómica nel sou brazu esquierdu, dalgu que nunca nun asocedéu dica guei, y qu'amuesa una vuelta más el falsu llïonesismu de los socialistas llïoneses.
L'edil llïonesista solicitóu ayeri na comisión de Policía y Tráficu que se desanicie l'escudu de la uniformidá, petición que se fadrá ouficial en Plenu del Conceyu de Llión. Pardo atremetéu tamién escontra la Junta indicandu que nun se puede oubligar a naide a llevare l'escudu y qu'en casu de que la Policía se ñege a portalu nun tendría desplicación xugare cuna seguranza de los llïoneses fuliminandu la suvención al cuerpu.
La Crónica
|
|
Outubre y 28
 Dende Conceyu Xoven queremos dare nuncia pública de la vergoña que supón pa la ciudá de Llión en particular y en xeneral pa tol País Llïonés el feichu de que la Policía Llocal d'esti conceyu porte nel brazu esquierdu de la sua uniformidá l'escudu de la Junta.
El nuesu Secretariu Xeneral, Abel Pardo Fernández, apuntóu que'l feichu de que la Policía Llocal lleve l'escudu de Castiella y Llión ye la preba granible del "falsu llïonesismu" qu'amuesa'l PSOE ya indicóu que se pidirán desplicaciones pur estu y nun permitirá que'l Conceyu de Llión s'asoberbie ante la Junta, garrandu cumu propiu un escudu que nun ye'l de Llión.
Leonoticias
La Crónica
|
|
Outubre y 22
 El nuesu Secretariu Xeneral, Abel Pardo Fernández, fou entrevistáu na mañana d'ayeri na Cadena COPE n'onde se fizu un fondu analís a la situación autual tantu de las conceyerías que tan de manu del edil llïonesista cumu de la situación del llïonesismu autual y de la política en xeneral nu que respeuta al País Llïonés.
Pardo surrayóu la importancia de rixire tres conceyerías tan importantes pal conceyu llïonés cumu son Educación, Nuevas Teunoloxías y Cultura Llïonesa, yá que son las más favoratibles pa garantizare la presencia de la nuesa cultura ya idioma ente la población de Llión, asina cumu la posibilidá de controlar dende eillas cun seguranza que'l pautu de goviernu robráu cul PSOE seya cumplíu puntu pur puntu.
Nu que cinca a la trayeutoria de PP y PSOE anguañu, el nuesu Secretariu Xeneral falóu de las continuas torgas que'l Partido Popular y la Junta vienen poniendu a las posibilidaes de desenrollu y autogoviernu del nuesu país, amás del llïonesismu nidiamente oportunista de los socialistas llïoneses qu'esclúi dafeichu a Zamora, Salamanca y Bregancia de los sous planes y que si rialmente tuviera un interés braeiru, podría facere mueitu más yá que la política nacional tien más pesu que la llocal, inda asina, Zapatero nun da un sólu pasu pur entamar un procesu autonómicu pal nuesu país.
La entrevista acabóu cun un piqueñu repasu del trabayu que Pardo ta a rïalizare guei cumu son l'entamu de las autividaes culturales y estraescolares nel Conceyu de Llión, la creyación d'un nuevu portal web municipal que cumpla cunos estándares internacionales y facilite l'acesu a los ciudadanos en tolas estayas, ou l'axeitamientu na xestión del Polígonu Industrial de Llión p'amiyorar el sou furrulamientu tras mueitos años faltu ingresos y un sistema d'organización afayadizu.
La Crónica
|
|
Outubre y 21
 El diariu Llïonés La Cronica acaba d'espublizare na sua edición de guei un artículu robráu pul nuesu Secretariu Xeneral nel que s'amuesa cumu'l nuesu país nun puede facere frente a la crisis que sufre l'oucidente européu pula carencia del más mínimu grau d'autogoviernu.
N'esti escritu comprébase cumu las torgas impuestas dende la capital castellana de Valladolí son la causa cimeira de que la desaceleración económica tea mueitu más acentuada nel País Llïonés.
Autogobierno como solución a la crisis
|
|
Outubre y 16
El Conceyeiru de Cultura Llïonesa y de Nuevas Teunoloxías, Abel Pardo, recibíu esti miércoles en Samarcelu a un grupu d'estudiantes fineses que participan nel proyeutu d'intercambiu européu y qu'estos días visitan la ciudá de Llión.
L'edil de Cultura Llïonesa animóuyes a recorrere las cais de la nuesa ciudá y convidóuyes a participare de los gustos, vezos y tradiciones de Llión. En total son unos trenta estudiantes que participan del proyeutu educativu "Comenius" y que vinieran d'intercambiu a la nuesa ciudá a niciativa del istitutu Juan del Enzina.
Los estudiantes recibienun una gía cun información de la ciudá y continuonun la sua xornada visitandu la Catedral y San Isidouru.
Leonoticias
Diario de León
|
|
Outubre y 15
Los interesaos n'apuntase a los Cursos de Llingua Llïonesa qu'entamarán el prósimu llunes, outubre y 20, entamaos pula Conceyería de Cultura Llïonesa en collaboración cuna Universidá de Llion, pueden recoyere yá las fueyas d'iscrición nel Palaciu Don Gutierre.
El preciu d'iscrición ye de 10 € pa los empadronaos en Llión y de 20 € pa los non empadronaos. Los cursos tan encadarmaos en cincu niveles A1, A2, B1, B2 y C1, y la sua duración ye d'Outubre de 2008 a Xineiru de 2009.
Pa más información los interesaos han aconchegase al Palaciu Don Gutierre. Tlfnu: 987 334 370.
Cartel Ouficial
Cuña de Radiu COPE
Cuña de Radiu 40 Principales
Periódico de León
|
|
Outubre y 14
El Conceyeiru de Cultura Llïonesa Abel Pardo Fernández, diou nuncia a la prensa de que dende guei queda abiertu'l plazu de matriculación nas autividaes de Llingua y Cultura Tradicional Llïonesa pal cursu 2008/2009.
Esti añu destacan cumu novedá las incorporaciones de curdión diatónicu y rabel a la ufierta d'ensiñu musical amás de las yá tradicionales gaita, pandeireta, tambor, xifra, baille, castañuelas y llinguax musical.
Los interesaos na matriculación n'estas autividaes ha aconchegase a la Conceyería de Cultura Llïonesa, allugada nel Palaciu Don Gutierre. Tlfnu: 987 334 370.
|
|
Outubre y 9
Llión candóu na xornada d'ayeri'l Mundial de Llucha de Brazos amosandu que la seleición del País Llïonés ye la gran ganadora d'esta edición. Preba d'eillo son los metales que'l nuesu país ganara n'esti campionatu, venti medallas d'ouru a las que s'axuntan outras mueitas de plata y bronce. Ya na primeira xornada la delegación llïonesa llogróu un gran botín de podios que naide nun pudu igualar, y ayer, cumu nun podía sere d'outru xeitu, amosóu una vuelta más los sous argumentos nas desemeyadas categorías pesia'l potencial d'outras grandes seleiciones cumu Exiptu ou Xapón.
Diario de León
La Crónica
|
|
Outubre y 8
Tras acabare la primeira xornada del XXIX Campionatu del Mundu de Llucha de Brazos que ta a cellebrase na ciudá de Llión, la seleición del País Llïonés llidera'l medalleiru tantu en categoría femenina cumu masculina, sigida de las seleiciones d'Exiptu y Xapón.
Esti campionatu escomencipióu ayeri a las 11,30 horas de la mañana depuéis de que los participantes s'enxamaran nel Salón d'autos del Conceyu de Llión pa esfrutare de la ceremoña d'inauguración onde se proyeutóu un vidiu promocional de Llión ya intervinun el Conceyeiru de Cultura Llïonesa, Abel Pardo, xunta'l vicepresidente de la Federación Internacional de Llucha de Brazos, Xeneral Osman Abd El Ghani, el presidente de l'Asociación del País Llïonés de Llucha de Brazos, Carlos Fernández, el presidente de la Delegación de Palestina, Fares Heyasi y el presidente de la Delegación Xaponesa, Mitsuhiro Hito.
Diario de León
Leonoticias
Jazztelia
|
|
Outubre y 7
Ante las últimas declaraciones rializadas pur Antonio Silvan, conseyeiru de la Junta de Castiella y Llión que dende va bien de tiempu bien torgandu los alcuerdos del Consorciu p'afalare l'Aeropuertu de Llión, el nuesu Secretariu Xeneral, Abel Pardo Fernandez, cumu viceportavoz d'UPL nel Conceyu de Llión, desix a la Junta que se someta a las disposiciones del Consorciu y que recuerde que la política aeroportuaria de Llión tien que se decidir en Llión y non en Valladolid.
Comunicáu de Prensa
Europa Press
Gente León
Leonoticias
|
|
Outubre y 7
El nuesu Secretariu Xeneral, Abel Pardo Fernández, espubliza guei nel diariu llïonés La Crónica, una tribuna na que desplica nidia y rotundamente la situación autual del aparente movimientu en forma d'aconceyamientos y ruedas de prensa de PP y PSOE pur alcontrar un avíu a la situación autual de desaniciu del Aeropuertu de Llión, cuando en rialidá cun eillu sólu tan a mazcarar el feichu de que tovía nun se ficiera nada pa iguar esta crisis
Aeropuerto de León: crisis y soluciones
|
|
Outubre y 6
 El Conceyeiru de Cultura Llïonesa, Abel Pardo, xunta'l vicepresidente de la Federación Internacional de Llucha de Brazos, Xeneral Osman Abd El Ghani, el presidente de l'Asociación del País Llïonés de Llucha de Brazos, Carlos Fernández, el presidente de la Delegación de Palestina, Fares Heyasi, el presidente de la Delegación Xaponesa, Mitsuhiro Hito, y el de Holanda, Marius Van Heinin, apresentóu nel Palaciu Don Gutierre'l XXIX Campionatu del Mundu de Llucha de Brazos que se cellebrará a partir d'esti martes y ata'l día 8 nel Salón d'Autos del Conceyu de Llión.
El Campionatu cuntará cun categorías masculina y femenina, amás de máster y junior discapacitaos. El númberu d'iscritos supera un cientu, chegaos de países de los cincu continentes cumu: Xapón, Exiptu, Estaos Xuníos, Holanda, India, Irak, Xordania, Llíbanu, Marruecos, Palestina, Rusia, Siria, ou Ucrania, destacandu'l feichu de qu'esti añu axúntase la seleición llïonesa cumu miembru de plenu dreichu.
Peatóm
Diario de León
La Crónica
Gente León
Leonoticias
Periódico León
|
|
Outubre y 3
Ante la crisis del aeropuertu de Llión, que perdiera nos últimos meses deillos destinos y frecuencias, ente eillos Sevilla, Alicante, Málaga y Madrí, el Grupu Municipal de la Unión del Pueblu Llïonés nel Conceyu de Llión quier denunciare “la política del PP y el PSOE de rialización de declaraciones grandilocuentes, convocatorias de mesas y aconceyamientos, políticas abocadas a la galería y de rializar milentamil fotos pa salire nos periódicos” mentantu que Llión perdiera destinos, frecuencias y pasaxeiros d'un xeitu alarmante ante la pasividá de los goviernos estatal y autonómicu.
Comunicáu de Prensa
Leonoticias
Diario de León
La Crónica
|
|
Outubre y 3
 El Conceyeiru de Cultura Llïonesa, Abel Pardo, inauguróu ayeri la iluminación de la Igrexa'l Mercáu de la ciudá de Llión darréu d'un trabayu de restauración de las pinturas de la misma igrexa cul envís d'apuxare las tonalidaes d'esta oubra d'arte, patrimoñu de tolos llïoneses..
Esti trabayu fae que las pinturas barrocas de la igrexa puedan vese cun total perfeición respetandu tol mural ensin desentonare cul llugar.
Diario de León
La Crónica
Leonoticias
|
|
