Outubre y 3
 L'Asociación Cultural El Fueyu, en collaboración cona Universidá de Llión y el Ayuntamientu de Llión, organiza un añu más los cursos de Llingua Llïonesa.
Habrá tres ciclos sigún nivel de conocencia del alunu: Entamu, Mediu y Superior.
Esti añu tenemos algamada la reconocencia de 9 créditos de Llibre Elleición Curricular pa los estudiantes de la universidá por cursu superáu, equiparandu asina la docencia del Llïonés conas demás llinguas de la Escuela d'Idiomas.
Pa más información asina comu formalización de matrícula:
Conceyería d'Educación
Plaza Don Gutierre 2, 24003 Llión
Teléfonu 987 344381
www.aytoleon.es
Plazos: Outubre y 3 - Outubre y 14.
NOTA: Debíu al gran númberu de solicitúes recibidas, urximos a enchenare la matrícula bien ceu. Las plazas son restrixidas.
Web d'El Fueyu |
Una delegación formada pol Secretariu Xeneral de Conceyu Xoven y el Secretariu de Conceyu Xoven de Ponferrada participaran esta fin de selmana nel Congresu de la formación valencianista. Nel alcuentru, nel que participanun Unió de Joves, Juventudes Andalucistas, Gazte Abertzaleak y outras formaciones políticas, el nuesu Secretariu Xeneral defendíu'l dreichu del País Llïonés a un estatutu d'autonomía propiu y a que seyan los llïoneses quienes marquen el nuesu grau d'autogoviernu políticu. El Secretariu Xeneral del BNV, presente nel autu, ufiertóu al llïonesismu "tot el nostre suport".
Conceyu Xoven presentóu guei en Rueda de Prensa la sua propuesta en materia llinguística que cinca cuatru aspeutos: la reconocencia oficial de la Llingua Llïonesa nel estautu d'Autonomía, el dreichu a estudiar Llïonés y en Llïonés, el dreichu a dirixise a l'alministración na nuesa llingua, y la reconocencia oficial de la toponimia y fomentu del usu del idioma nos medios de comunicación. 
Conceyu Xoven desendolcóu guei un aconceyamientu conos responsables d'Ensiñu Mediu nos colexos ya istitutos de la rexón de Llión nos que s'afitanun las llínias d'autuación de Conceyu Xoven pa las prósimas datas.
Conceyu Xoven desendolcará las suas Xornadas Nacionales de Formación na llocalidá d'Astorga n'outubre 21, 22 y 23. Esti añu las temáticas cincarán alrodiu l'ensiñu mediu, la información xuvenil y las políticas llinguísticas. El númberu de plazas ta mui llimitáu, y sedrá necesaria la preiscrición enanates d'outubre y 17 al traviés del formulariu qu'apaez na páxina web.
Los Comités de Mansiella y Coyanza de la nuesa organización repartienun más de 1.000 exemplares de la Campaña Nacional en favor de la reconocencia oficial del idioma. Los Secretarios de los comités, Carlos Fernández y Rubén Castro afitanun d'esti xeitu la presencia de la nuesa campaña nos sous territorios, indiciendu especialmente na estaya de mocedá y nos istitutos de la rexón. 
Conceyu Xoven, nas Xornadas Nacionales de Formación desendolcadas n'Astorga afitóu las llínias políticas que desixen la reconocencia oficial del nuesu idioma na prósima reforma del estatutu de la comunidá autónoma. Nesi sen, los responsables territoriales de la organización sedrán el calce al traviés del que Conceyu Xoven arribará a la mocedá de tol país col finxu d'espardere la nuesa propuesta en materia de llingua.
Conceyu Xoven entama en Llión capital la Campaña pola reconocencia de la Llingua Llïonesa cona pegada de carteles y el repartimientu de las gías polos centros educativos de la ciudá. Esta pegada de carteles forma parte de la campaña a nivel Nacional que tan llevandu a cabu n'outras rexones del País Lïonés los comités llocales de la nuesa organización. 
