|
Noviembre y 28
 El llïonesista Abel Pardo, conceyeiru de Nuevas Teunoloxías, Educación y Cultura Llïonesa, diou nuncia guei de la cellebración del I Festival Internacional de Televisión y Cine Históricu.
Depuéis de 25 años, la capital llïonesa cellebrará un nuevu festival de cine cul afán de que seya cellebráu anualmente puxandu y afalandu'l sétimu arte na nuesa ciudá. L'eventu, que se cellebrará nos días 7 y 14 del més de marzu de 2009, nun sedrá un festival más sinon que cuntara cunas principales produciones europeas, cellebránduse una versión de televisión y outra de cine.
Leonoticias
Periódico de León
La Crónica
Europapress
León Digital
Diario de León
|
|
Noviembre y 21
 El diariu llïonés La Crónica espubliza guei una tribuna del nuesu Secretariu Xeneral, Abel Pardo Fernández, na que se fae un nidiu analís de cumu la crisis económica autual afeuta mueitu más a territorios carentes de cotas d'autogoviernu cumu''l nuesu país, onde la Junta de Castiella y Llión procurará que la recesión faiga'l menor dañu posible en Castiella, afondandu asina nel emprobecimientu de las provincias llïonesas.
La crisis económica en el País Leonés
|
|
Noviembre y 17
 L'Asociación de la Llingua Llïonesa El Fueyu infórmanos de qu'una vuelta más y en collaboración cul Ayuntamientu de La Bañeza, entama pur tercer añu consecutivo los cursos de llïonés n'esti conceyu.
Las clases, qu'escomencipiarán el martes, noviembre y 25, sedrán impartidas nel Centru Cultural Infanta Cristina n'horariu de 19,00 a 20,30 h. en segundu nivel y de 20,30 a 22,00 h. en primeiru.
El preciu del cursu ye de 20 € y los interesaos na iscrición han dirixise al Ayuntamientu de La Bañeza ou a la Biblioteca Municipal pa recoyela.
Más información nos teléfonos 620 051 566 y 699 701 707.
Cartel ouficial
|
|
Noviembre y 17
 La Conceyería de Cultura Llïonesa apresentóu'l pasáu vienres a las 20,00 horas nel Palaciu Don Gutierre l'amuesa escultórica "Arquioloxía Industrial" del afamáu escultor llïonés Juan Carlos Uriarte. Na inaguración de dicha amuesa, l'artista desplicóu cumu esta oubra tenta d'espresare cúmu lu cotidianu (hachos de siles, vasayos de barru, colunas, puertas ou máquinas) ye arte. Non sólu un bocetu de Da Vinci sobru posibles "aparatos", sinón la propia materialización, l'engranax ou la chimeneya, son arte. Ésu chámase cultura.
L'amuesa escultórica durará ata Avientu y 16 y podrá visitase tolos días llaborables de 9,00 a 21,00 h. siendu la primeira del ciclu "Escultura nel Patiu'l Palaciu" que se desenrollará ata'l prósimu branu cumu indicóu'l Conceyeiru de Cultura Llïonesa, Abel Pardo Fernández, cul afán de que'l Palaciu Don Gutierre se convierta nel gran centru de la cultura na nuesa ciudá.
Invitación ouficial
La Crónica
Diario de León
|
|
Noviembre y 14
 El Conceyeiru d'Educación, Abel Pardo Fernández, diou nuncia ayeri en rueda de prensa de los datos cunos que se cuntan esti añu nel procesu d'escolarización del llïonés tantu p'adultos cumu en colexos, faciendu una valoración bien positiva al respeutu.
L'edil llïonesista afirmóu que la preba piloto desenrollada'l pasáu añu fou un ésitu dafeichu y tolos oxeivos fonun cumplíos. N'esti añu la conceyería abriera la ufierta del llïonés a los colexos públicos y concertaos y son yá 80 niños de 16 colexos los que confirmaran la sua matricula na autividá estraescolar de llingua llïonesa, suponiendu un 20% del total de niños que rializan autividaes estraescolares.
Nu que respeuta al ensiñu p'adultos, Pardo apuntóu la sua satisfaición pul feichu de que pur primer vez se superaran los 100 alunos, más concretamente 104, cumpliendu cun outru oxetivu, superar el cientu, teniendu primeiru 53 matriculaos y tandu'l ciclu dividíu en cincu graos y axeitáu dafeichu a las normativas y planes europeos.
Leonoticias
La Crónica
Periódico León
|
|
Noviembre y 13
 Información en Llingua Llïonesa: El prósimu Vienres, noviembre y 14, a las 20,00 h.y entamáu pula Conceyería de Cultura Llïonesa, escomienza nel Palaciu Don Gutierre'l ciclu d'esposiciones "Escultura nel Patiu'l Palaciu" cuna amuesa escultórica "Arquioloxía Industrial" de Juan Carlos Uriarte, la cuala durará ata Avientu y 16 y podrá visitase tolos días llaborables de 9,00 a 21,00 h.
La riqueza patrimonial d’un pueblu afítase en deillos pilares. Pintura, escultura, arquiteutura, tïatru, música, llingua, son basas nas que s’amuesa la personalidá de los grupos humanos. Potenciare la cultura llïonesa, promovere la conocencia de lu que fumos, de lu que somos, y de lu que queremos sere ye un de los oxetivos más importantes que se desenvuelven dende la Conceyería de Cultura Llïonesa del Conceyu de Llión. Escultura nel Patiu’l Palaciu ye un pasu más n’esi camín. El camín de conocer el pasáu y proxeutalu p’hacia’l futuru. Un futuru individual, peru tamién coleutivu. Un futuru de Llión y pa Llión.
Invitación ouficial
Periódico de León
León Digital
|
|
Noviembre y 10
 Cerca d'un cientu niños participarán esti añu na autividá estraescolar de llingua llïonesa en 15 colexos de la ciudá de Llión.
La niciativa, entamada pula Conceyería d'Educación a cargu del nuesu Secretariu Xeneral, Abel Pardo Fernández, supera asina cun creces las espeutativas programadas pa esti añu y vien a confirmare l'afirmación que Pardo rializóu va cuantayá sobru la fuerte demanda social que la nuesa llingua tien ente la ciudadanía.
El Conceyeiru d'Educación tamién apunta que la matrícula n'esta autividá sige abierta y qu'ésta nun supondrá costu dalu pal Conceyu de Llión, pues el consistoriu cunta cun monitores suficientes en plantiella titulaos en maxisteriu, llingua llïonesa y pedagoxía pa suplire la demanda y garantizar un ensiñu de calidá.
Diario de León
|
|
Noviembre y 3
 El periódicu llïonés La Crónica ta acabante d'asoleyar una tribuna del nuesu Secretariu Xeneral, Abel Pardo Fernández, nel que se fae un analís puntu por puntu de los motivos pulos que la fusión de caixas sólu beneficiará a Castiella y al PP de Valladolí.
Depuéis de que la Junta torgara la reconocencia del País Llïonés cumu NUTS-2 y eillu xenerara una perda de más de cientu cincuenta mil millones de pesetas n'inversiones europea ou de gastase los nuesos fondos Miner en Valladolí, la Junta quier dar outru pasu nel desaniciu del nuesu pueblu.
Por qué es aberrante la fusión de cajas
|
|
Noviembre y 3
 El Conceyeiru d'Educación del Conceyu de Llión y Secretariu Xeneral de la nuesa organización, Abel Pardo, apresentóu guei'l nuevu programa d'autividaes estraescolares pa Educación Infantil que chegará a 550 niños del 100% de los colexos d'educación pública na ciuidá. Estas autividaes tan basadas en 4 estayas cumu son pequexuegos, diversión y deprendizax y una lludoteca d'inglés, gran novedá d'esti añu.
L'edil llïonesista, tamién apuntóu qu'esta niciativa vien a cumplire cun ún de los puntos qu'UPL planteyóu nel sou programa eleutoral de las cabeiras eleiciones municipales y que tenta de suplire la gran falta de compromisu de la Junta pa cuna educación na nuesa ciudá.
Leonoticias
Diario de León
La Crónica
León Digital
Periódico León
|
|
Noviembre y 3
 El nuesu Secretariu Xeneral, Abel Pardo, declaróu a la prensa que'l nuevu modelu planteyáu pa integrar las caixas d'aforros de Castiella y Llión ye una auténtica aberración ya indicóu que'l modelu más positivu sedría'l de llevar a cabu una fusión de las dúas caixas llïonesas, Caja España y Caja Duero cunas entidades financieras de mediu y altu nivel d'Asturias y Galicia.
Pardo aseguróu que las caixas de Llión y d'estas dúas comunidaes tienen intereses bien asemeyaos y la sua fusión sedría mueitu más afayadiza y favoratible que l'autual modelu que tenta d'axuntare las nuesas caixas cun entidaes de poucu nivel ya intereses dispares. N'esi sen recordóu cumu Caja Rural de Llión s'axuntóu cun Caja Galiza y nun hubu problema nin torga dala al respeutu.
Leonoticias
La Crónica
Soitu
Productos Bancarios
|
|
