Conceyu Xoven participa nas Xornadas d'Alderique Autonómicu de la Universidá de Salamanca
Noviembre y 7
La nuesa organización participara nas Xornadas d'Alderique Autonómicu de la Universidá de Salamanca nas que se falara de la organización autonómica estatal.
Nesi sen, deillos miembros de Conceyu Xoven participaran autivamente amosandu la nuesa posición en favor de la Xunidá territorial y el dreichu al Autogoviernu del País Llïonés, y la Ouficialidá de la Llingua Llïonesa nel nuesu territoriu.
II Cursu de Llingua Llïonesa en Salamanca
Noviembre y 12
La Mesa Divulgativa Llïonesa de Salamanca, xunta las asociaciones El Fueyu y La Barda, entaman guei'l II Cursu de la Llingua Llïonesa na capital charra.
Las clases tendrán llugar tolos llunes de 20h a 21h dende Noviembre ata Mayu de 2008 nel Centru Cultural Miraltormes y la docencia cuerre a cargu del profesoráu de la Universidá de Salamanca.
El preciu de la matrícula ye de 20 €
Conceyu Xoven escontra la llínia d'alta tensión "Sama-Velilla"
Noviembre y 16
Conceyu Xoven quier amosare la sua oposición a la costruición de la llínia d'alta tensión Sama-Velilla que pretende imponer la Rede Lléutrica Hespañola cul sofitu de la Junta de Castilla y León.
La costruición d'esta llínia d'alta tensión supondría la destruición de la Montaña Central Llïonesa na sua práutica totalidá. Pur tou eillu la nuesa organización quier amosar el sou sofitu a los que lluchan escontra la destruición del patrimoñu y la ñatura del País Llïonés.
Conceyu Xoven quier informar a tolos visitantes de conceyu.net del axornamientu que ta desenvolviénduse na páxina oficial de la nuesa organización.
A partir de guei, el foru d'alderique llïonesista tará n'oubras pur tareas d'amiyoramientu, asina mismu, ta creyánduse un portal web d'Información Xuvenil.
Xornadas de Llingua Llïonesa
Noviembre y 26
La nuesa organización entamóu esta fin de selmana unas Xornadas de Llingua Llïonesa na ciudá de Llión.
Nestas xornadas participonun afiliaos de tolos Comités Rexonales del País Llïonés asina cumu miembros de la Direición Nacional de Conceyu Xoven.
La nuesa organización participara nas Xornadas d'Alderique Autonómicu de la Universidá de Salamanca nas que se falara de la organización autonómica estatal.
La Mesa Divulgativa Llïonesa de Salamanca, xunta las asociaciones El Fueyu y La Barda, entaman guei'l II Cursu de la Llingua Llïonesa na capital charra.
Conceyu Xoven quier amosare la sua oposición a la costruición de la llínia d'alta tensión Sama-Velilla que pretende imponer la Rede Lléutrica Hespañola cul sofitu de la Junta de Castilla y León.
La nuesa organización entamóu esta fin de selmana unas Xornadas de Llingua Llïonesa na ciudá de Llión.
