|
Noviembre y 5
 El nuesu Secretariu Xeneral fou entrevistáu pula edición llïonesa d'El Mundu. Neilla, abel Pardo desenvolvíu las estratexas de Conceyu Xoven pa las prósimas datas, analizandu la situación na que s'atoupa'l nuesu país y afitandu'l llïonesismu cumu la oción política qu'en meyor medida sirve al nuesu pueblu.
-Entrevista- |
|
Noviembre y 7
 El nuesu Secretariu Xeneral analiza, na edición llïonesa d'El Mundu, l'atitú de los partíos mayoritarios tuvienun nel procesu autonómicu, siendu de la dreicha ou de la esquierda de la vida política del País Llïonés y las soluciones riales que tien tomadas la nuesa organización.
Los progresistas y la autonomía leonesa |
|
Noviembre y 7
 La nuesa organización entamóu la campaña "18" cun una gran pegada de carteles y pegadiellas en las principales localidaes del país. D'esti xeitu la nuesa organización refuerza la sua posición en defensa de los dreichos del pueblu y llïonés, y sirviendu de cadarma d'aición pal llïonesismu xuvenil.
Semeyas de la campaña |
|
Noviembre y 11
 La Direición nacional de Concyeu Xoven desenvolviéu'l sou aconceyamientu semestral nel que s'analizóu la situación política del nuesu país y s'afitanun las estratexas de la nuesa organización pal prósimu trimestre. Nesi sen, Conceyu Xoven fadrá una especial fincapía nel desenvolvimientu de la llingua y de los dreichos alministrativos del pueblu llïonés.
|
|
Noviembre y 15
 Abel Pardo, Secretariu Xeneral de la nuesa organización, fou entrevistáu pul periodista Emilio Gancedo del Diario de León sobru cúmu la rede dixital fai que la nuesa llingua seya conocía pula sociedá d'anguañu. Asina mesmu, esplicóu l'aceutación y el sofitu recibíu pur parte de la UOC (Universitat Oberta de Catalunya) al presentare la sua tesis doutoral íntegramente en Llingua Llïonesa.
Entrevista completa |
|
Noviembre y 16
La Conceyería de Mocedá, el Conseyu de la Mocedá de Zamora, l'Istitutu Llïonés de Cultura, Caja Rural y Conceyu Xoven, en collaboración cuna Asociación El Fueyu, entama pur primeira vuelta cursos de Llingua Llïonesa nesta ciudá. El cursu sedrá tolos sábados dende Noviembre y 25 de 2006 fasta Mayu y 26 de 2007.
Solicitú d'información ya iscriciones:
Edificiu de l'Alóndiga
Plaza Santa Ana Nu 7
Tfnu: 980530248
(Horariu de mañanas)
Cuñas Radiales | Cadena 100 | Europa FM |
La Opinión de Zamora |
|
Noviembre y 17
L'Asociación El Fueyu, que cunta cuna collaboración del Ayuntamientu de La Bañeza, l'Istitutu Llïonés de Cultura, la Llibrería Arlequín y la nuesa organización, entama un cursu de Llingua Llïonesa nesta ciudá llïonesa.
Información ya iscriciones:
Biblioteca Pública Municipal "Juan de Ferreras"
C/ Padre Miguélez, 19
Tfnos: 620 051 566 y 699 701 707 |
|
Noviembre y 18
Pur segundu añu consecutivu, l'Ayuntamientu de Mansiella las Mulas, Conceyu Xoven y la Diputación de Llión al traviés del Istitutu Llïonés de Cultura, en collaboracion cuna Asociación El Fueyu entaman los cursos de Llingua Llïonesa nesta llocalidá. El preciu ye de 10 € pur presona. Dáu'l gráu d'acoyida que tuvu'l cursu pasáu, tandu iscritos 28 alunos, esti añu habrá 1u y 2u de llingua.
Pa más información del cursu:
Ayuntamientu de Mansiella Las Mulas ( Animador Socio-Cultural)
Avda Constitución s/n
De 9.00 a 14.00
Ou nos númberos de telefonu:
|
|
Noviembre y 19
 El Secretariu de Conceyu Xoven Salamanca, Nandu Sánchez, nuna rueda de prensa ufiertada'l pasáu vienres na capital salmantina, propunxu la reconocencia de las tres provincias del Reinu de Llión cumu NUTS-2 de la Xunión Europea.
Asina mesmu, denuncióu que los pasaos fondos europeos recibíos fonun malgastaos pul goviernu de la Comunidá de Castilla y León nas provincias más ricas d'ésta, tandu las provincias llïonesas marxinadas dafeichu.
- Rueda de prensa - |
|
Noviembre y 21
El nuesu Secretariu Xeneral, nuna tribuna na edición llïonesa d'El Mundu, fala de la necesidá de que'l llïonesismu políticu solicite que l'aeropuertu de Llión seya un nudu d'enllaz de tol noruesti penisular, beneficiandu a más de tres millones d'usuarios potenciales.
León: eje de comunicaciones aéreas |
|
Noviembre y 26
 El Cursu de Llingua Llïonesa de Zamora, entamáu pula Asociación de la Llingua Llïonesa "El Fueyu" y nel que collabora la nuesa organización, anicióuse cunas 25 plazas ufiertadas cubiertas. D'esti xeitu la docencia del nuesu idioma, cul sofitu del Instituto Leonés de Cultura, l'Ayuntamiento de Zamora y Caja Rural avera a los zamoranos al sou idioma, permitiendu qu'aqueillos que naguan pur conocere la llingua llïonesa puedan facelu na ciudá de Zamora.
El Norte de Castilla
La Opinión de Zamora |
|
Noviembre y 28
L'Asociación de la Llingua Llïonesa "El Fueyu", en collaboración de Conceyu Xoven, l'Instituto Leonés de Cultura y UPL-Coyanza entamará'l primer cursu de Llingua Llïonesa na llocalidá llïonesa de Coyanza..
Las clases tendrán llugar na sede de la agrupación llocal de la Unión del Pueblo Leonés, tolos sábados n'horarios de 17:00H-19:00H. El preciu la matrícula ye de 10 euros pur presona. El cursu entama esti sábadu, diciembre y 2 del 2006 fasta la cabeira selmana de mayu, 2007.
Pa más información chamar al teléfonu móbil: 625 612 062 |
|
