Noviembre y 15
 La Estaya de Medias de Conceyu Xoven aconceyóuse guei col finxu de valorare la campaña en favor de los dreichos llinguísticos del pueblu llïonés desendolcada estas cabeiras selmanas. Nesi sen, la nuesa organización desendolcará na ciudá de Zamora en noviembre 25, 26 y 27 las suas Xornadas de Medias.
Estas Xornadas cincarán temas rellacionadas cuna cultura, el patrimoniu y la economía llïonesa, definiendu la llínia que la nuesa organización marcará al respeutive'l modelu educativu p'hacia'l nuesu país.
|
Conceyu Xoven quier amosar el sou sofitu a los trabayadores d'esti seutor industrial tan necesariu pa la economía del nuesu país. Poru, la nuesa organización encamienta al goviernu socialista autual qu'atienda a las necesidaes de los mineiros ante tala situación de desproteición seutorial. Conceyu Xoven fizu nel sou cabeiru congresu un apueste firme pola minería llïonesa, pidiendu sovenciones pa la minería d'interior y non pa las de cielu abiertu, p'asina, protexer dous carauterísticas vitales, la natura y la industria. Una vegada más, llanzamos el nuesu sofitu a los mineiros del País Llïonés. 
Conceyu Xoven desendolcará las suas Xornadas d'Ensiñu Mediu na llocalidá de Zamora en Noviembre 25, 26 y 27. El númberu de plazas, comu nas xornadas anteriores, ye mui llimitáu, y sedrá necesaria la preiscrición al traviés de la páxina web..
La Caxa d'Aforros Caja España de Inversiones collaborará, al traviés de la sua Obra Social, conas Xornadas d'Ensiñu Mediu que Conceyu Xoven desendolcará na ciudá de Zamora. D'esti xeitu la entidá bancaria con sede na ciudá de Llión reconoz la importancia y l'esfoutu qu'en favor d'un sistema educativu llïonés ta faciendu Conceyu Xoven. 
El Comité de Mansiella, sigiendu cona sua campaña en favor de la Llingua Llïonesa, fizu una pegada de carteles pola llocalidá llïonesa continuandu asina cona campaña entamada n'Outubre en tol territoriu nacional. La organización yá repartiera en Mansiella y Coyanza más de 1.000 exemplares de la gía informativa pola oficialidá.
Conceyu Xoven, en dientru de las suas Xornadas d'Ensiñu Mediu desendolcadas en Zamora, fizu una Ruta Cultural na que los participantes pudienun visitar las principales edificaciones de la ciudá y el Museyu Provincial, nel que s'atopan, ente outras, las ayalgas astures d'Arrabalde. El mayestru gaiteiru Xuacu Amieva fou l'encargáu de desendolcar un Master Class en plena cai nel que las gaitas y bandeiras del país fonun la nota dominante. 
La nuesa organización, en dientru de las Xornadas desendolcadas en Zamora entamóu un aconceyamientu de cargos públicos zamoranos col finxu de plantegare las estratexas políticas pal cursu que vien darréu.
