|
Mayu y 28
 Cuna brillante intervención del Escritor, Profesor en Filosofía y Coordinador de "El Filandón", revista d'información lliteraria del Diario de León, Alfonso García, díuse pur acabada la Segunda Edición del Ciclu de Conferencias Reinu de Llión, entamáu pula Conceyería de Cultura Llïonesa, a cargu'l llïonesista Abel Pardo, ante un públicu cuyu perfil yera, práuticamente na sua totalidá, de marcáu caráuter inteleutual y lligáu a la vida cultural llïonesa.
Un retu cultural: El feichu lliterariu Llïonés, suscitóu pur parte del conferenciante una riestra de reflesiones sociolóxicas alrodiu esti fenómenu que deixonun de manifiestu un principiu básicu, sigún Alfonso García: "Nun hai lliteratura llïonesa, esiste una lliteratura escrita pur llïoneses". D'esti xeitu surrayóu l'autitú, en bien de casos propia del mismu caráuter de los llïoneses: la negatividá, la desidia y la inquina empobinada p'hacia'l conxuntu de personalidáes lliterarias que conformonun el prestixu d'esta tierra cumu niciu d'escritores. La necesidá d'una Cátedra de Lliteratura Llïonesa Autual ou de Lliteratura Infantil y Xuvenil faese fundamental pa dare continuidá a esti bon momentu de las lletras llïonesas.
Igualmente apuntóu que resultaría imprescindible la creyación d'una revista lliteraria, un museyu de los escritores, rutas lliterarias, la dinificación y espardimientu d'escritores agora esqueicíos ou, la rialización d'un monumentu a los escritores llïoneses.
Cartel Oficial
Programa de Conferencias
Periódico León |
|
Mayu y 26
 Na tarde d'esti miércoles, mayu y 27, tendrá llugar la décima cita del II Ciclu de Conferencias Reinu de Llión, entamáu pula Conceyería de Cultura Llïonesa a cargu del llïonesista Abel Pardo. N'esta ocasión, sedrá'l Llicenciáu en Filosofía, Alfonso García quien fale sobru un retu cultural: El Feichu Lliterariu Llïonés. L'eventu tendrá llugar nel Salón d'Autos del Palaciu Don Gutierre a las 19,30 horas.
El feichu lliterariu llïonés sobrupasa enforma las llindes provinciales, inclusu las nacionales. Llión nun ye sólu un espaciu lliterariu de referencia, tamién ye un referente creativu. Peru de nidia coincidencia histórica, y, pur tantu, circustancial. Poru, hai una riestra d'elementos cunos qu'hemos cuntare pa surrayare que nun ta "protexíu" pur un parauguas qu'aveira la procedencia xïográfica, y que, al empar, permite'l sou aproveichamientu cumu elementu dinámicu. Ye un braeiru retu cultural n'esi sen: cuntandu cuna individualidá del autu creativu, la coincidencia histórica estorgará un aproveichamientu social cumu enriquecimientu, ensin el fácil recursu a aiciones que práuticamente nun empobinan p'hacia nada. Propuestas, visiones y xuicios sobrul feichu lliterariu llïonés baixu la óutica d'un espeutador durante un cuartu de sieglu.
Cartel Oficial
Programa de Conferencias
Diario de León
La Crónica
Periódico León |
|
Mayu y 21
 Pasaos escasos minutos de las 19,30 horas de la tarde y ante un Salón d'Autos del Palaciu Don Gutierre práuticamente chenu, Joaquín Alonso escomencipiaba la sua conferencia sobru'l llinguax del arte popular, novena ponencia del II Ciclu de Conferencias Reinu de Llión entamáu pula Conceyería de Cultura Llïonesa del Conceyu de Llión, a cargu'l llïonesista Abel Pardo.
Alonso, llicenciáu en xïografia ya historia, desplicóu cumu'l nome mas axeitáu pa esta clas de arte sedría arte etnográficu y cúmu esti arte tien un llinguax y simboloxía propia, acompañandu la conferencia de deillas imaxes y exemplos qu'ilustronun la ponencia.
Cartel Oficial
Programa de Conferencias |
|
Mayu y 19
Esti miércoles, mayu y 20, a las 19,30 horas y continuandu cul II Ciclu de Conferencias Reinu de Llion, entamau pula Conceyeria de Cultura Llïonesa a cargu'l llionesista Abel Pardo, tendrá llugar nel Salón d'Autos del Palaciu Don Gutierre la conferencia: EL LLINGUAX DEL ARTE POPULAR impartida pul etnógrafu Joaquín Alonso.
L'arte popular, al qu'en rialidá debiéramos chamar ARTE ETNOGRÁFICU, ye ún de los resultaos del comportamientu artísticu, un xéneru de las artes del home que poseye'l sou propiu llinguax y, n'ocasiones, el sou propiu conteníu simbólicu. La representación artística ou ornamental etnográfica desenróllase a partir de patrones artísticos que la sociedá xenera dende ideyales colectivos ou individuales cualitativamente aceutaos nel tiempu. Dende esta perspeutiva preténdese costruyire l'argumentu de la conferencia, sofitada al empar na valoración téunica, formal, estética ya intencionalidá del ornamentu tradicional nel ámbitu de la provincia de Llión.
Cartel Oficial
Programa de Conferencias
Diario de León
La Crónica
Periódico León |
|
Mayu y 15
 El I Festival Internacional de Televisión y Cine Históricu Reinu de Llión, entamáu en collaboración cuna Conceyeria de Cultura Llïonesa, escomencipióu'l pasáu sábadu cun una gala d'entrega de premios apresentada pur Macarena Gómez ante un Auditoriu Ciudá de Llión que chenóu dafeichu'l sou aforu pa la ocasión.
L'eventu que cuntóu cun alfombra roxa pula qu'esfilonun los premiaos, entamóu cun un discursu del edil de Cultura Llïonesa y Secretariu Xeneral de conceyu Xoven, el llïonesista Abel Pardo Fernández, nel que se fizu analís de que Llión cumu capital que fuera d'un imperiu y país independiente durante más de trescientos años ye'l sitiu más axeitáu pal desenvolvimientu d'un Festival Internacional de Televisión y Cine Históricu, que naz cun vocación de convertise en referente européu y proyeutar a Llión a nivel internacional.
Web Oficial
Diario de León
Diario de León (2)
Diario de León (3)
Diario de León (4)
Leonoticias
La Crónica
La Crónica (2)
La Crónica (3)
La Crónica (4)
Gente en León
Peatóm
e-norte
tutele
Rtvcyl
RTVE
León 7 Días |
|
Mayu y 18
 El Conceyeiru d'Educación, Cultura Llïonesa y Nuevas Teunoloxías del Conceyu de Llión, y Secretariu Xeneral de Conceyu Xoven, espubliza guei nel diariu llïonés La Crónica una tribuna na que recuerda al lleutor lo ñicios ancestrales que nos averan a la Tierra de Miranda'l Douru pesia la separtación en dous estaos desemeyaos que sufrimos dende cuentayá, y de cúmu estos ñicios tan reforciánduse nos últimos años al traviés del llabor d'achegamientu que dende'l Conceyu de Llión, y más concretamente dende la Conceyería de Cultura Llïonesa ta rializánduse. Esti llabor concrétase pur exemplu nel Master Class d'especialización en Llingua Llïonesa ou la presentación del llibru ‘Mirandés, Stória dua lhéngua i dun pobo’ del Doutor y Presidente de l’Associaçon de la Lhéngua Mirandesa Amadeu Ferreira que se cellebróu nel Palaciu Don Gutierre días atrás.
Llingua Llïonesa y Miranda
La Crónica |
|
Mayu y 15
El Conceyeiru d'Educación, Cultura Llïonesa y Nuevas Teunoloxías del Conceyu de Llión, y Secretariu Xeneral de Conceyu Xoven, diou nuncia en rueda de prensa del escomienzu del I Festival Internacional de Televisión y Cine Históricu Reinu de Llión.
L'edil llïonesista, cuyas conceyerías participan autivamente na celebración d'esti eventu, destacóu'l feichu de qu'en Llión vuelven rializase eventos de calidá cumu esti, nel que la ciudá se chumbará nel universu de los llargos, curtios y documentales de la miyor calidá, cuntandu amás l'eventu cun una más que notable presencia de llingua llïonesa en tolos aspeutos.
Pardo destacóu tamién cúmu dende'l Conceyu de Llión preténdese dar un caráuter participativu y de continuidá al Festival, asperandu cuntare cuna collaboración y presencia de tolos llïoneses amantes del mundu cinematográficu
Web Oficial
La Crónica
Gente Digital
Leonoticias
El Mundo
El Mundo (2) |
|
Mayu y 13
 Pasaos escasos minutos de las 19,30 y ante un auditoriu práuticamente chenu, el Catedráticu d'Historia Moderna de la ULE, Laureano Rubio, escomencipióu la outava ponencia del II Ciclu de Conferencias Reinu de Llión entamada pula Conceyeria de Cultura Llïonesa.
Tras la presentación rializada pul edil llïonesista, Abel Pardo, Rubio espunxu caúna de las caruteristicas qu'a lu llargu la historia fizun del conceyu'l guérganu de goviernu de las poblaciones llïonesas. Rubio afondóu en cúmu'l conceyu determinaba d'un xeitu comunal la vida de los vecinos ata'l puntu cuntare cun competencias tan fundamentales cumu'l territoriu ou'l repartu l'usufrutu.
Cartel Oficial
Programa de Conferencias |
|
Mayu y 13
Na tarde de guei, y continuandu cul II Ciclu de Conferencias Reinu de Llión, entamáu pula Conceyeria de Cultura Llïonesa del Conceyu de Llión, a cargu del edil llïonesista Abel Pardo, cellebraráse a las 19,30 horas nel Salón d'Autos del Palaciu Don Gutierre la conferencia "El poder del Conceyu" a cargu del Catedráticu d'Historia Moderna de la ULE Laureano Rubio.
N'esta conferencia el tema a tratare sedrá'l sistema de goviernu tradicional que dende cuantayá vien rixendu'l sistema poblacional llïonés.
Cartel Oficial
Programa de Conferencias
Diario de León
La Crónica
Periódico León |
|
Mayu y 11
 Amadeu Ferreira, másimu esponente nel procesu de recuperación llinguística del mirandés, visitóu esti fin de selmana Llión cul envís de participare cumu ponente nel cursu de primaveira entamáu pula Conceyería de Cultura Llïonesa "Procesos de Normativización: Llïonés y Mirandés" y apresentar el sou llibru Os Lusíadas e o Mirandés - História de Uma Lengua e de un Povo ilustráu pur José Ruy.
El cursu, desendolcáu nas mañanas y tardes del sábadu y domingu nel Palaciu Don Gutierre y nel que se chenaran tolas plazas disponibles, Amadeu Ferreira falóu na tarde del sábadu del procesu de recuperación, normalización y normativización que se ta desendolcandu na tierra de Miranda pa cul mirandés, pa, darréu, apresentar el sou llibru ante un auditoriu práuticamente chenu acompañáu del ilustrador José Ruy, el Cónsul de Pertual en Llión y el Conceyeiru de Cultura Llïonesa, Abel Pardo Fernández..
L'eventu sirvíu pa estreichar inda más los llazos ente Llión y Miranda y afitare la collaboración llinguística que dambas tierras vienen desenrollandu dende cuantayá.
Leonoticias
Periódico León
Gente Digital
Diario de León |
|
Mayu y 9
 Pasaos escasos minutos de las ochu la tarde, Charo Acera inauguraba nel Palaciu Don Gutierre ante una gran asistencia de públicu la oubra "Y las muyeres" basada en deillos bustos que representan el pasu'l tiempu nel home de la cai ante l'ausencia de la muyer.La esposición podrá visitase tolos días llaborables ata Xunu y 12 n'horariu de 9,00 a 21,00 nel Palaciu Don Gutierre.
Diario de León
La Crónica |
|
Mayu y 8
 Guei, a las 20,00 horas inaugúrase nel Palaciu Don Gutierre la esposición escultórica de Charo Acera cuyu nome ye "Y las muyeres". Esta esposición, da continuidá al ciclu escultóricu Escultura nel Patiu'l Palaciu entamáu pula Conceyería de Cultura Llïonesa a cargu'l llïonesista Abel Pardo Fernández. La esposición podrá visitase tolos días llaborables ata Xunu y 12 n'horariu de 9,00 a 21,00 nel Palaciu Don Gutierre.
Periódico León |
|
Mayu y 7
 El Salón d'Autos del Palaciu Don Gutierre acoyéu na tarde d'ayeri una vuelta más el II Ciclu de Conferencias Reinu de Llión, entamáu pula Conceyería de Cultura Llïonesa a cargu del edil llïonesista Abel Pardo Fernández. N'esta ocasión fou la llucha llïonesa quien protagonizóu l'eventu, focalizada na tradicional rivalidá que n'esti deporte protagonizonun la ribeira y montaña llïonesas, axebradas pula emblemática llinia de FEVE.
Al traviés de la voz de los periodistas espertos na materia, Fulgencio Fernández y David Rubio, un auditoriu práuticamente chenu deleitouse de la historia escrita pur dambas rexones n'esti deporte autótonu aderezáu pula simpatía y cordialidá de los ponentes que determinonun los puntós más álxidos asina cumu los principales deportistas que dieran nome a esta materia.
Periódico León
Periódico León (2)
La Crónica |
|
Mayu y 6
 El Conceyeiru de Cultura Llïonesa, Educación y Nuevas Teunoloxías, Abel Pardo Fernández, informóu guei en rueda de prensa de la marxinación de los produtos de procedencia llïonesa na campaña ellaborada pula Junta de Castilla y León cul envís de promocionare los produtos de la comunidá y que protagoniza l'autor norteamericanu Gary Dourdan.
L'edil llïonesista diou nuncia de cúmu los produtos llïoneses amentaos nel anunciu apaecen na parte menos sinificativa del spot y de cúmu el llogotipu fuera ellaboráu cun elementos propios de castiella y ayenos a Llión. A los llioneses cuéstanos 5,2 millones d'euros esta campaña de promoción de los produtos castellanos qu'oculta los llïoneses.
Documentu Oficial
Leonoticias
Diario de León
La Crónica
Periódico León
El Faro Astorgano |
|
Mayu y 6
Na tarde de mayu y 6, miércoles, continúan nel Salón d'Autos del Palaciu Don Gutierre a las 19,30 horas el II Ciclu de Conferencias Reinu de Llión entamáu pula Conceyeria de Cultura Llïonesa del Conceyu de Llión a cargu del edil llïonesista Abel Pardo Fernandez, cuna conferencia: LA LLUCHA LLÏONESA: La vieya rivalidá de montaña escontra ribeira.
La historia del más tradicional de los deportes llïoneses, cuntada al traviés d'una vieya rivalidá, la qu'enfrenta a los lluchadores de la montaña y de la ribeira. Trátase d'un enfrentamientu qu'históricamente tuviera mueitu interés pur parte del públicu y que tovía guei sige chenandu los pabellones ca vuelta que s'enfrentan los lluchadores d'una y outra banda de la vía del tren de FEVE. Los periodistas David Rubio y Fulgencio Fernández dirán rellatandu la historia d'esti deporte al traviés d'aqueillos lluchadores históricos ou personaxes braeiramente curiosos que surdieran d'esti deporte, ata chegar a los nuesos días.
Cartel Oficial
Programa de Conferencias
La Crónica
Periódico León |
|
Mayu y 4
 Cun motivu de la celebración del 25 aniversariu de la manifestación más multitudinaria en favor de la creyación d'una autonomía pal País Llïonés, na que 90.000 ciudadanos salienun a la cai, el Conceyeiru de Cultura Llïonesa, Educación y Nuevas Teunoloxías y Secretariu Xeneral de Conceyu Xoven, Abel Pardo Fernández, diera nuncia a la prensa de la inxusta situación autual na que'l nuesu país nun ye a recibire los fondos que rialmente merez en base a la sua población pur parte de la Junta de Castiella y Llión y de cúmu la creyación d'una autonomía llïonesa y el sou reconocimientu européu cumu entidá NUTS-2 amiyoraría fondamente esta situación.
Leonoticias
La Crónica
Diario de León
Gente en León |
|
Mayu y 4
 El diariu llïonés La Crónica espubliza guei una tribuna escrita pul nuesu Secretariu Xeneral, Abel Pardo Fernández, nel qu'amuesa cun claridá la situación autual de crisis y el feichu de qu'ésta tenga mueita más incidencia nel nuesu país pulas carencias d'autogoviernu qu'arrastramos dende cuantayá.
Autogobierno leonés contra la crisis
La Crónica |
|
