Aconceyamientu de la Direición Nacional de Conceyu Xoven
Mayu y 2
La Direición Nacional de Conceyu Xoven aconceyóuse esti martes cul finxu d'estudiare las propuestas de candidaturas pa las prósimas elleiciones xenerales y autonómicas. Nesi sen, la nuesa organización cuntará cun deillos miembros nas candidaturas municipales y autonómicas de tol país, desenvolviendu cargos de responsabilidá qu'emburrien el proyeutu ´de la nuesa organización al traviés de las llistas d'UPL y UPS.
Abel Pardo ocupará el tercer puestu na llista al Ayuntamientu de Llión
Mayu y 4
El nuesu Secretariu Xeneral ocupará finalmente un puestu de sortida la riestra de nomes qu'aprobara pur unanimidá UPL nel sou Comité Executivu, pesia las torgas de dalgunos seutores minoritarios y residuales. D'esti xeitu la nuesa organización tornará a tenere representación na ciudá de Llión, y deillos miembros de Conceyu Xoven formarán parte de la llista elleutoral de la capital. La nuesa organización, quier agraecer el esfuerzu de tolos miembros que puxanun pur nós, del nuesu candidatu a alcalde y especialmente de compañeiros de partíu que siempres creyenun que la presencia del nuesu Secretariu Xeneral yera necesaria pal espoxige del llïonesismu y garantizar la diversidá que carauteriza al nuesu partíu.
Escocia y Llión: un futuru cun capacidá pa dicidire
Mayu y 7
Guei la edición llïonesa del diariu El Mundo espubliza una tribuna del nuesu Secretariu Xeneral, Abel Pardo, na que fai una comparanza ente la situación escocesa y la llïonesa a lu llargu de la hestoria y de cúmu al pueblu escocés diouse-y la oportunidá de dicidir el sou futuru y cumu a los llïoneses dende los partíos estatales nun fain más que vendenos fumu.
La Direición Nacional de Conceyu Xoven quier facer un chamáu a tola militancia de Conceyu Xoven a la mobilización asoluta en favor de la llibertá del País Llïonés y el sofitu a las nuesas candidaturas. Nesti intre más de 100 afiliaos de Conceyu Xoven trabayan yá autivamente en campaña elleutoral al traviés de los grupos de coordinación, de los trabayos de cai, de los repartos de campaña y de l'axuntamientu y formación d'apoderaos ya interventores.
Nesi sen, y en sabiendu la dificultá d'estas datas, chamámosvos a que tolos que podáis dedicar un intre del vuesu tiempu a esti país faigaislu pasandu pula nuesa sede y poniénduvos en contautu cunos nuesos vicesecretarios.
Conceyu Xoven entama deillas llistas d'UPL y UPS
Mayu y 18
Deilos representantes de la nuesa organización entiestan llistas elleutorales d'UPL nas provincias de Llión, Zamora y Salamanca. Nesi sen Conceyu Xoven dispondrá, amás de los representantes presentes nas candidaturas autonómicas, cuna posibilidá de que militantes de la nuesa organización puedan ser escoyíos alcaldes de los sous conceyos.
Conceyu Xoven algamará l'autonomía llïonesa en materia de mocedá
Mayu y 19
Dientru de las propuestas en materia de mocedá que la candidatura d'UPL vien desendolcandu de cara a las elleiciones de Mayu y 27, el nuesu Secretariu Xeneral, Abel Pardo, fizu un apueste pula autonomía dau que la Ley de Juventud aprobada pulas Cortes de Castilla y León permite que las entidaes llocales asuman competencias nu que cinca a presupuestos, istalaciones y capacidá de decisión sobru temas de formación.
Poru, Conceyu Xoven propón que tola materia de mocedá rellaicionada cun formación, información, istalaciones y autividaes seya xestionada direutamente pul Conceyu de Llión y nun pasandu pur Valladolid.
¿Quéi diferencia al PSOE y a la UPL?
Mayu y 21
El nuesu Secretariu Xeneral, miembru de la candidatura d'UPL al Conceyu de Llión, nuna tribuna espublizada guei na edición llïonesa d'El Mundo esplica las diferencias ente'l conceutu de llïonesismu que tien el PSOE y la UPL.
Nesta tribuna, analiza'l programa elleutoral del PSOE y de cúmu namái fai referencia a políticas llïonesistas cincánduse nel pasáu y esqueiz dafeichu'l presente y el futuru de la nuesa tierra y pur embargu la UPL tien un proyeutu bien definíu pa desenrollare políticas de presente y futuru pa la nuesa tierra.
La nuesa organización quier felicitare a tolos sous candidatos nas provincias llïonesas que baixu las sieglas de los nuesos partíos y coaliciones formanun parte de las candidaturas d'estos comicios. Nesi sen, Conceyu Xoven quier agraecere tamién el fundamental trabayu de la militancia d'esta organización qu'emburrióu cul sou esfuerciu bien de candidaturas, faciendu que pula primer vuelta'l llïonesismu tea presente nas tres circuscriciones provinciales.
La Direición Nacional de Conceyu Xoven aconceyóuse esti martes cul finxu d'estudiare las propuestas de candidaturas pa las prósimas elleiciones xenerales y autonómicas. Nesi sen, la nuesa organización cuntará cun deillos miembros nas candidaturas municipales y autonómicas de tol país, desenvolviendu cargos de responsabilidá qu'emburrien el proyeutu ´de la nuesa organización al traviés de las llistas d'UPL y UPS.
El nuesu Secretariu Xeneral ocupará finalmente un puestu de sortida la riestra de nomes qu'aprobara pur unanimidá UPL nel sou Comité Executivu, pesia las torgas de dalgunos seutores minoritarios y residuales. D'esti xeitu la nuesa organización tornará a tenere representación na ciudá de Llión, y deillos miembros de Conceyu Xoven formarán parte de la llista elleutoral de la capital. La nuesa organización, quier agraecer el esfuerzu de tolos miembros que puxanun pur nós, del nuesu candidatu a alcalde y especialmente de compañeiros de partíu que siempres creyenun que la presencia del nuesu Secretariu Xeneral yera necesaria pal espoxige del llïonesismu y garantizar la diversidá que carauteriza al nuesu partíu. 
Guei la edición llïonesa del diariu El Mundo espubliza una tribuna del nuesu Secretariu Xeneral, Abel Pardo, na que fai una comparanza ente la situación escocesa y la llïonesa a lu llargu de la hestoria y de cúmu al pueblu escocés diouse-y la oportunidá de dicidir el sou futuru y cumu a los llïoneses dende los partíos estatales nun fain más que vendenos fumu.
La Direición Nacional de Conceyu Xoven quier facer un chamáu a tola militancia de Conceyu Xoven a la mobilización asoluta en favor de la llibertá del País Llïonés y el sofitu a las nuesas candidaturas. Nesti intre más de 100 afiliaos de Conceyu Xoven trabayan yá autivamente en campaña elleutoral al traviés de los grupos de coordinación, de los trabayos de cai, de los repartos de campaña y de l'axuntamientu y formación d'apoderaos ya interventores. 
Deilos representantes de la nuesa organización entiestan llistas elleutorales d'UPL nas provincias de Llión, Zamora y Salamanca. Nesi sen Conceyu Xoven dispondrá, amás de los representantes presentes nas candidaturas autonómicas, cuna posibilidá de que militantes de la nuesa organización puedan ser escoyíos alcaldes de los sous conceyos.
Dientru de las propuestas en materia de mocedá que la candidatura d'UPL vien desendolcandu de cara a las elleiciones de Mayu y 27, el nuesu Secretariu Xeneral, Abel Pardo, fizu un apueste pula autonomía dau que la Ley de Juventud aprobada pulas Cortes de Castilla y León permite que las entidaes llocales asuman competencias nu que cinca a presupuestos, istalaciones y capacidá de decisión sobru temas de formación. 
El nuesu Secretariu Xeneral, miembru de la candidatura d'UPL al Conceyu de Llión, nuna tribuna espublizada guei na edición llïonesa d'El Mundo esplica las diferencias ente'l conceutu de llïonesismu que tien el PSOE y la UPL.
La nuesa organización quier felicitare a tolos sous candidatos nas provincias llïonesas que baixu las sieglas de los nuesos partíos y coaliciones formanun parte de las candidaturas d'estos comicios. Nesi sen, Conceyu Xoven quier agraecere tamién el fundamental trabayu de la militancia d'esta organización qu'emburrióu cul sou esfuerciu bien de candidaturas, faciendu que pula primer vuelta'l llïonesismu tea presente nas tres circuscriciones provinciales.
