Mayu y 15
Una delegación de la nuesa organización participóu esta fin de selmana nel festival Engrescat entamáu pulas Joventuts d'Entessa Nacionalista-Partit Socialista de Mallorca, desendolcada na llocalidá d'Inca. Abel Pardo, Secretariu xeneral, y Daniel Fernández, Vicesecretariu de Salú, fonun recibíos pul voceiru del Partíu Socialista de Mallorca nel Conceyu de Palma, n'onde desenvolvienun una visita a la Cá'l Conceyu, al Consell Insular y al Parllamentu delas Isllas Baleares. Nesi sen, fonun recibíos pur Diputaos y Consellers, participandu n'alcuentros nos qu'amosanun la rïalidá del País Llïonés a los dirixentes del PSM y cargos istuticionales.
Engrescat
Diario de Mallorca
El Secretariu del Comité de Conceyu Xoven en Salamanca, Nandu Sánchez, fou entrevistáu nel periódicu "La Tribuna de Salamanca" el pasáu domingu. Na entrevista marcóu los finxos de la política rexonal y llocal de cara a las prósimas elleiciones, asina cumu la necesidá d'algamar representantes autonómicos nas Cortes de Fuensaldaña. Nandu Sánchez fou escoyíu miembru del Comité Executivu d'UPL nel VII Congresu Xeneral d'UPL siendu'l primer salmantinu escoyíu nel partíu políticu. 
Esti vienres, Mayu y 12, tendrá llugar la presentación en Llión de la tradución númberu 100 d'Asterix: Asterix l goulés rializada en llingua llïonesa, na variante mirandesa de la nuesa llingua.
Conceyu Xoven, Galiza Nova (BNG), Joventut Nacionalista de Catalunya (CiU) y Aralar (País Bascu) participaran nuna mesa redonda entamada pur JEN-PSM na qu'amosanun la impotancia de las organizaciones xuveniles y las políticas desenrolladas pur éstas nos procesos de costrución nacional. El nuesu Secretariu xeneral, Abel Pardo, amosóu'l xeitu nel que Conceyu Xoven desenvuelve las políticas nacionaliegas llïonesas cul envís d'algamare la xunidá, oficialidá y autogoviernu d'esti pueblu, especialmente nas estayas de medias, universidá y conseyos de mocedá.
El llibru en Llingua Llïonesa "Cuentos del Sil", ta a partire de guei disponible pa la sua alquisición na Sede Nacional de Conceyu Xoven (Avenida República Argentina 13 Bis, 1u) asina cumu na Sede Rexonal d'El Bierzu (Plaza Fernando Miranda Nu 5 Entreplanta) . 
