Mayu y 30
 Más Xunidá, más Oficialidá y más Autogoviernu. La nuesa organización desendolcóu'l sou Congresu Nacional con dúas ponencias políticas y una estratéxica qu'afondanun na desixencia d'un marcu alministrativu propiu pal País Llïonés, de la oficialización de la nuesa llingua y el sou ensiñu, y de la necesidá del autogoviernu pa desendolcare políticas afayadizas de desenrollamientu económicu y llucha escontra la emigración.
Gazte abertzaleak (EA), Joves d'Unió (CiU), Chobenalla Aragonesista, Bloc Joves (BNV), Juventudes Andalucistas (PA) y la Mocedaes del partíu Ocitán amosanun el sou sofitu a las políticas desendolcadas por Conceyu Xovn en favor del País Llïones
D'esti xeitu, la nuesa organización amosóu a las organizaciones presentes la política esterna de Conceyu Xoven, asina comu la solidaridá p'hacia los sous territorios.
::. Semeyas del Congresu .::
|
La Unión del Pueblu Leonés, al traviés d'Abel Pardo, Secretariu Xeneral de Conceyu Xoven y Coordinador del Programa Européu d'UPL vien a refugare la posición europea del PSOE y del PP. Al traviés de dous artículos el nuesu Secretariu Xeneral amuesa la necesidá pal País Llïonés d'una reconocencia europea y critica la posición de los partíos sucursalistas, amosandu la viabilidá y necesidá del proyeutu européu llïonesista.
Conceyu Xoven tien inaguráu un nuevu serviciu al Internauta de torna de testos en Llingua Llïonesa. Esti serviciu sedrá de baldre, contribuyendu al espardimientu y espoxige del nuesu idioma na sociedá llïonesa, y faciendu, d'esti xeitu, un apueste más por algamare la Oficialidá de la nuesa llingua. 
El CJCyL vien d'aprobar una resolución presentada por Conceyu Xoven na que se solicitaba la declaración de Llión, Zamora y Salamanca comu NUTS europea. La resolución, que cuntóu con 29 votos a favor, 0 a la escontra, y 7 astenciones amuesa'l sofitu de las entidaes de mocedá autonómicas a qu'esti terrtoriu seya a recibire fondos europeos d'Oxetivu 1y fai una especial fincapía na gueta d'un desendolque curiosu del territoriu na estaya económica, cultural y social.
Ante las declaraciones del Presidente del Conseyu Comarcal d'El Bierzu, nas que pretende facer oficial la llingua de la Comunidá Autónoma de Galicia, Conceyu Xoven desix al Presidente la reconocencia de los drechos de la Llingua Llïonesa.
