|
Marzu y 31
 El prósimu miércoles, abril y 1, continúa'l II Ciclu de Conferencias "Reinu de Llión" entamáu pula Conceyería de Cultura Llïonesa del Conceyu de Llión a cargu del llïonesista Abel Pardo, cuna participación de la Profesora Titular de Lliteratura del sieglu XX y XXI de la Universidá de Llión Maria José Conde Guerri.
La conferencia n'esti casu versará sobru'l Tiatru en Llión nel sieglu XX, detallandu los sous autores y grupos ente los que s'amentarán figuras tan emblemáticas n'esti tarrén cumu "Lamparilla", Anselmo Gómez, Francisco Pérez ou Victoriano Cremer. La conferencia tendrá llugar a las 19,30 horas nel Salón d'Autos del Palaciu Don Gutierre.
Cartel Oficial
Programa de Conferencias
Diario de León
La Crónica
Periódico León |
|
Marzu y 25
 L'historiador, Secundino Serrano, gran conocedor de la gerriella llïonesa, disertóu dientru del II Ciclu de Conferencias Reinu de Llión ante un aforu chenu dafeichu nel Salón d'Autos del Palaciu Don Gutierre sobru'l Maquis na provincia de Llión.
La conferencia mantuvu la tesis principal sobru la peculiaridá d'esti sinificativu movimientu de la llucha escontra'l franquismu nel pluralismu idiolóxicu siendu de gran importancia non dende'l puntu de vista cuantitativu, sinon cualitativu. Serrano fizu un fondu analís de la represión sufrida durante la primeira década de posguerra ejercitada pur falangistas, militares y guardia civil y embobinada p'hacia esos gerrilleiros llïoneses y los sous enllaces.
Soitu
Periódico León |
|
Marzu y 25
 El diariu llïonés La Crónica espubliza guei una tribuna del nuesu Secretariu Xeneral, Abel Pardo Fernández, na que se fae un fondu analís de la situación de desconocencia que sufre'l nuesu país na sua proyeición internacional y de cumu'l propiu carauter llïonés incide n'eillu.
Internacionalización del País Leonés
La Crónica |
|
Marzu y 21
 El pasáu vienres, marzu y 20, el ciclu d'arte "Escultura nel Patiu'l Palaciu", entamáu pula Conceyería de Cultura Llïonesa a cargu del llïonesista Abel Pardo, apresentóu ante una gran multitú d'asistentes la nueva oubra que tará espuesta nel patiu'l Palaciu Don Gutierre ata abril y 30 tolos días llaborables n'horariu de 9,00 a 21,00 horas. La oubra, titulada "Requiem" fou rializada pul artista José Luis Casas basada nuna alegoría a la vida y a la muerte.
Invitación Oficial
Diario de León |
|
Marzu y 20
 El pasáu miércoles, marzu y 18, y continuandu cul II Ciclu de Conferencias "Reinu de Llion" entamáu pula Conceyería de Cultura Llïonesa, los periodistas Fulgencio Fernández y David Rubio espunxun las suas vivencias cun personaxes pintorescos de la provincia na sua charla "Xeitu llïonés: Los protagonistas esqueicíos de la nuesa historia".
La conferencia, qu'escomencipiara a las 20,00 horas nun Salón d'Autos del Palaciu Don Gutierre práuticamente chenu, versóu nun tonu entrañable y divertíu sobru unas cuantas de las personas que pesia nun formare parte reconocia d'eilla, sí debieran tare presentes ente las llinias qu'escriben la historia de la nuesa provincia. La sigiente conferencia a cargu del ponente Secundino Serrano, tendrá llugar el miércoles, marzu y 25, y tratará sobru "El Maquis na provincia de Llión".
Cartel Oficial
Programa de Conferencias
La Crónica
Periódico León |
|
Marzu y 18
 La esposición de la pieza "Requiem" del artista José Luis Casas sedrá la que dea continuidá al ciclu "Escultura nel Patiu'l Palaciu" que dende l'añu pasáu vien rializanduse nel Palaciu Don Gutierre a cargu de la Conceyería de Cultura Llïonesa del Conceyu de Llión.
L'amuesa, que sedra inaugurada'l vienres, marzu y 20, a las 20,00 horas, podrá visitase ata abril y 30 tolos días llaborables n'horariu de 9,00 a 21,00 horas
Invitación Oficial
Periódico León
La Crónica |
|
Marzu y 17
El prósimu miércoles, marzu y 18, a las 19,30 horas, continuandu cul II Ciclu de Conferencias "Reinu de Llión" entamáu pula Conceyería de Cultura Llïonesa a cargu del llïonesista Abel Pardo, tendrá llugar nel Salón d'Autos del Palaciu Don Gutierre una conferencia a cargu de los periodistas Fulgencio Fernández y David Rubio acerca del Xeitu Llïonés: Los protagonistas esqueicíos de la nuesa historia, charla na que se fadrá un repaso a tolos personaxes qu'ensin formare parte reconocida de la historia de la nuesa provincia sí que supunxun una parte bien importante d'eilla.
Cartel Oficial
Programa de Conferencias
Periódico León
Diario de León |
|
Marzu y 12
 El II Ciclu de Conferencias "Reinu de Llión", entamáu pula Conceyería de Cultura Llïonesa, dirixida pul Secretariu Xeneral de la nuesa organización, Abel Pardo Fernández, escomencipióu na tarde d'ayeri a las 19,30 horas nel Salón d'Autos del Palaciu Don Gutierre cuna invervención de Manuel Valdés, Catedráticu d'Historia del Arte de la ULE.
Ante un aforu práuticamente completu, el ponente fizu un fondu repasu sobru la figura de Nicolás Francés, quien viniendu a Llión en 1430 pa facere vidrieiras, ye l'autor del fermosu retablu de la catedral llïonesa. El conxuntu que nos sous nicios tenía unas mididas de 6 a 7 metros d'altura y un perímetro de 16 a 17 metros, cuntaba cun más de 400 tablas, las cualas, asuxetas a los nuevos gustos artísticos, fonun desaniciadas y esperdigadas pur deillas iglesias del arrodiu, siendu sustituyíu nel sieglu XVIII pur outru barrocu que s'alcuentra anguañu na eigrexa los franciscanos. El bon facere d'un canónigu, que rellatóu'l desaniciu del retablu y las secuencias que lu encadarmaban, estorgóu la llocalización de dalgunas d'estas tablas, que recuperadas tras la restauración nel cabu del sieglu XIX, guei podemos contemplar tras l'altar mayor n'esta gran fábrica gótica, la eigrexa de Santa María.
Cartel Oficial
Programa de Conferencias
Diario de León
La Crónica
Leonoticias
Periódico León |
|
Marzu y 10
 El Conceyeiru de Cultura Llionesa, el llïonesista Abel Pardo Fernández, aprensentóu na mañana de guei'l II Ciclu de Conferencias "Reinu de Llión" que se cellebrará nas tardes de los miércoles de marzu, abril y mayu, a las 19,30 horas nel Palaciu Don Gutierre.
Esti ciclu de conferencias, que s'entama pur segundu añu consecutivu, rialízase n'esta edicion cun un nivel d'aforru del 50% respeutu a la anterior mas calteñendu'l mismu númberu de conferencias, y abordará temas cumu la historia, el periodismu, la etnografía, l'arte, la lliteratura, la economía, el deporte, la política, el tiatru ou'l patrimoñu. Temáticas que tarán empobinadas pur deillos espertos n'estas estayas.
Cartel Oficial
Programa de Conferencias
Leonoticias
E-Norte.org |
|
Marzu y 9
 El diariu llïonés La Crónica espubliza na sua edición de guei una tribuna escrita pul nuesu Secretariu Xeneral, Abel Pardo Fernández, na que se fae analís acerca de las semeyas de la crisis que vivimos anguañu cuna situación vivida nel añu 29, las consecuencias políticas que surdienun d'esa situación y las que podrían surdire guei.
Wall Street y el País Leonés
La Crónica |
|
Marzu y 9
 La nuesa organización rializóu esti fin de selmana nel conceyu llïonés d'Astorga las suas Xornadas dedicadas a las Nuevas Teunoloxías y el Marketing.
Nos tres días qu'esti eventu tuvu cumu duración, afondóuse na formación en dambas estayas de los 30 dirixentes de Conceyu Xoven chegaos dente tolos puntos del País Llïonés que participonun n'eillas, faciénduse tamién especial referencia al xeitu en qu'estos campos pueden contribuyire nel procesu de recuperación y normalización de la llingua llïonesa y de tolas llinguas minorizadas en xeneral.
|
|
Marzu y 6
 Na mañana de guei el Conceyeiru de Cultura Llïonesa nel Conceyu de Llión y Secretariu Xeneral de Conceyu Xoven diera rueda de prensa nel restaurante llïonés del Palaciu de Jabalquinto informandu del procesu d'execución del I Festival Internacional de televisión y cine históricu Reinu de Llión.
El Festival, que durará de Mayu y 16 a Mayu y 23 d'esti añu, tará basáu na proyeición de películas, curtiumetraxes y documentales de carauter históricu en deillos espacios de la ciudá de Llión tou eillu acompañáu d'un foru de participación basáu n'alderiques, charlas, etc. alredior del sétimu arte.
Leonoticias
Diario de León
Diario de León (2)
El Norte de Castilla
León Digital
|
|
Marzu y 4
 El Conceyeiru d'Educación del Conceyu de Llión, y Secretariu Xeneral de la nuesa organización, Abel Pardo Fernández, recibiera guei nel Conceyu de Llión a deillos profesores y alunos chegaos dende outros países al traviés del Proyeutu Comenius, nuna visita entamada pul Istitutu d'Educación Secundaria Legio VII.
El conceyeiru llïonesista, nuna nidia amuesa del gran compromisu que l'equipu de goviernu tien pa cul nuesu idioma, diera la bienvenida a los alunos faciendu usu de la llingua llïonesa, inglesa ya italiana.
Leonoticias
La Crónica
León 7 Días |
|
