Marzu y 12
 Son yá más de cien los estudiantes de Cursos Oficiales de Llingua Llïonesa, darréu de los convenios afitaos entre las alministraciones públicas y la Universidá de Llión. Conceyu Xoven nesi sen fizu un importante llabor pa facere llegare la nuesa llingua a tolos llïoneses que quieran iniciase neilla ou ameyorare las suas competencias. Poru, ye pa nós una allegría curiosa que, darréu del cursu de Mansiella, pula primer vuelta se supere la cifra de la centena de matriculaos.
El Mundo - La Crónica | 1 | 2 |
|
El nuesu Secretariu Xeneral, Abel Pardo, participóu nos alderiques del Diario de León desenrollandu la tema sobru l'asociacionismu xuvenil llïonesista cumu motor de desendegeyamientu del País Llïonés. Conceyu Xoven algama d'esti xeitu un nuevu finxu na xeira d'amosar a la sociedá el nuesu proyeutu de país, tandu presentes nas autividaes cimeiras nel nuesu territoriu.
La concentración en favor del desenvolvimientu de Zamora "Zamora Exige" (Zamora desix) fou sofitada pur Conceyu Xoven, qu'amuesa d'esti xeitu'l sou preste pa los autos desendegeyaos en favor d'inversiones pa esta provincia llïonesa. Conceyu Xoven vien de denunciare que la falta de capacidá d'autogoviernu del País Llïonés emburria p'hacia la despoblación, emigración y falta d'oportunidaes a la nuesa xente, especialmente la más nueva, pulu que ye más que necesariu l'asoleyamientu d'autonomía del País Llïonés.
Conceyu Xoven desendegeyará las suas Xornadas de Formación na ciudá de Salamanca, cuna participación de los coordinadores cimeiros na nuesa cadarma territorial. La nuesa organización fadrá una epecial fincapía na importancia de las infracadarmas pal desenvolvimientu d'un modelu de país axeitáu, asina cumu del proyeutu de Conceyu Xoven nesi sen.
La estaya de medias de Conceyu Xoven aconceyóuse ayeri na Sede Nacional de la nuesa organización, afitánduse las prósimas Xornadas d'Ensiñu Mediu que se desenrollarán na ciudá de Coyanza. Nesi sen la estaya de medias de Conceyu Xoven fizu una evaluación sobru'l grau d'espoxige de la nuesa organización nel Ensiñu mediu del País Llïonés, que nos afita cumu la primer organización en representación nesta estaya.
Conceyu Xoven, UPL y UPS vienen de robrar un alcuerdu pul qu'estas tres organzaciones trabayarán a comuña nel desenvolvimientu de Salamanca. Nesi sen, la nuesa organización pasa a integrase cumu organización xuvenil n'UPS, afitandu d'esti xeitu'l llïonesismu mozu na provincia salmantina y espardiendu'l llïonesismu mozu al Sur del país. UPL integraráse nas llistas comunes cun UPS, y éstos a la sua vuelta formarán parte del Grupu Políticu d'UPL nas Cortes Autonómicas.
El Secretariu d'UPL en Zamora Javier Vidal y el Secretariu Xeneral de Conceyu Xoven, Abel Pardo apresentonun esti vienres el Plan d'Infracadarmas na capital zamorana. D'esti xeitu, y faciendu una especial finacapía nas necesidaes de la provincia de Zamora, Conceyu Xoven amuesa las suas llínias d'autuación en materia de Fomentu, cul sofitu del comité zamorán de la UPL.
Conceyu Xoven vien de creyar el sou comité salmantín, darréu que la xestora que trabayaba nesa ciudá algame esti xeitu na cadarma de la organización. El sou secretariu sedrá Nandu Sánchez, desenrollánduse diez estayas de trabayu na comarca de Salamanca pal desendegeyamientu de las políticas de Conceyu Xoven nesta fasteira.
Las Xornadas Nacionales de Formación de Conceyu Xoven tuvun nas infracadarmas el sou finxu cimeiru. Estas Xornadas, nas que tuvun presentes más de cincuenta dirixentes de la nuesa organización desenvolviénunse en Salamanca, Miranda y Bregancia. Los responsable territoriales de la organización comprobanun el Plan d'Infracadarmas de Conceyu Xoven y las mididas propuestas pula nuesa organización nesti tarrén. 
