|
Febreiru y 23
 Nel día de guei, el diariu llïonés La Crónica espubliza una tribuna del nuesu Secretariu Xeneral, Abel Pardo Fernández, na que fae comparanza de la situación política de Galicia y País Bascu, territorios qu'anguañu tan en procesu eleutoral, puxandu Galicia pur un estatutu de nación y afitandu Euskadi las suas cotas d'autogoviernu, mentantu nel País Llïonés siguimos siendu una esqueicida coloña d'una alministración foresteira.
Estatuto de Nación
La Crónica |
|
Febreiru y 21
 Conceyu Xoven, nel Día de la Llingua materna, promovíu pula UNESCO, quier manifestare la sua satisfaición pulos avances algamaos durante'l pasáu añu en materia de "promoción, usu y ensiñu del idioma propiu de los llïoneses".
Pa la nuesa organización, ye especialmente importante el trabayu desendolcáu pul Conceyu de Llión que pur primer vuelta na historia algamara que la Llingua Llïonesa pueda deprendese nos colexos", y ye qu'anguañu son yá selce los centros escolares de la capital llïones qu'ufiertan la posibilidá de deprendere Llingua Llïonesa en materia Estraescolar tantu en quintu cumu en sestu de primaria.
Outru feichu destacáu ye la posibilidá que s'ufierta en dalgunas conceyerías del Conceyu de Llión de recibire llingua llïonesa y usala cun normalidá, dalgu que debería espardise a tolas alministraciones públicas del País Llïonés.
Amás destacamos el puxu que gracias a las nuevas teunoloxías ta teñendu la llingua llïonesa especialmente pur parte de dalgunos medios de comunicación qu'escomencipiaran a ufiertare nuevas tamién en llingua llïonesa, lu cualu amuesa'l grau de normalización que ta algamandu'l nuesu idioma na sociedá.
Comunicáu de Conceyu Xoven
Leonoticias |
|
Febreiru y 21
 Ufiertámosvos el comunicáu de prensa feichu públicu pula Conceyería de Cultura Llïonesa del Conceyu de Llión nel que se fae un fondu analís del llabor llinguísticu desendolcáu a lu llargu l'ultimu añu pur esta entidá y la sua repercusión nel procesu de dignificación del llïonés, afitandu tamién n'él l'apueste d'esta alministración pur sigire trabayandu nel sen de la normalización del nuesu idioma ente la sociedá llïonesa.
Comunicáu
La Crónica
Leonoticias
El Mundo
ICAL
Periódico León |
|
Febreiru y 21
 Guei, Día Internacional de la Llingua Materna promovíu pula UNESCO, l'Asociación en Defensa de la Llingua Llïonesa El Fueyu, l’Asociación Berciana en Defensa de la Llingua Llïonesa El Toralín, l’Asociación Cultural “La Barda” de Salamanca, l’Asociación de Profesores y Monitores de Llingua Llïonesa y l’Asociación puntuLLI quieren facer públicu’l manifiestu que vos facilitamos darréu sobru'l proceso de dinificación y normalización de la nuesa llingua.
Comunicáu |
|
Febreiru y 8
 El Conceyeiru de Nuevas Teunoloxía del Conceyu de Llión y Secretariu Xeneral de la nuesa organización, Abel Pardo Fernández, diera nuncia a la prensa de la convocación d'un concursu pa la creyación d'una nueva web pal Conceyu de Llión.
L'oxetivu d'esti nuevu portal, sedrá estorgar las rellaciones ente'l ciudadán y l'alministración d'un xeitu que tolas xestiones de carauter municipal puedan rializase al traviés d'esta nueva páxina senciellamente, 24 horas al día, 7 días a la selmana.
La Crónica |
|
Febreiru y 4
 El prósimu vienres, febreiru y 6, a las 20,00 horas, y entamáu pula Conceyería de Cultura Llïonesa, continúa nel Palaciu Don Gutierre'l ciclu d'esposiciones "Escultura nel Patiu'l Palaciu" cuna amuesa escultórica "Nowadays: Andrei Abramov, Alisa Kaidanovskaya y Anatoli Grinko" de Juárez & Palmero, la cuala durará ata Marzu y 13 y podrá visitase tolos días llaborables de 9,00 a 21,00 h.
La riqueza patrimonial d'un pueblu afítase en deillos pilares. Pintura, escultura, arquiteutura, tïatru, música, llingua, son basas nas que s'amuesa la personalidá de los grupos humanos. Potenciare la cultura llïonesa, promovere la conocencia de lu que fumos, de lu que somos, y de lu que queremos sere ye un de los oxetivos más importantes que desenvolvemos dende la Conceyería de Cultura Llïonesa del Conceyu de Llión. Escultura nel Patiu'l Palaciu ye un pasu más n'esi camín. El camín de conocer el pasáu y proxeutalu p'hacia'l futuru. Un futuru individual, peru tamién coleutivu. Un futuru de Llión y pa Llión.
La Crónica
Diario de León |
|
