Febreiru y 7

Abel Pardo, Secretariu Xeneral de Conceyu Xoven y Conceyeiru de Nuevas Teunoloxías del Conceyu de Llión, nuna tribuna espublizada guei na edición llïonesa d'El Mundu, analiza la situación del País Llïonés y de la rexón económica na que s'alluga.

N'esta tribuna informa sobru la crisis que se podría sufrir nel País Llïonés debíu a la xubía de precios amás de que tamos sometíos a las direutrices marcadas dende Valladolí a tolas nuesas autividaes económicas torgandu asina l'espoxige del país.

El País Leonés ante la amenaza de la recesión económica

Febreiru y 13

Abel Pardo, Coneyeiru de Cultura Tradicional Llïonesa del Conceyu de Llión, apresentóu'l cursu de "Llingua y Cultura leonesa" qu'entamará guei nel colexu Quevedo y mañana nel Antonio Valbuena de la ciudá de Llión.

Esti feichu pon la primeira piedra pa que la Llingua Llïonesa algame la posición que merez y seya ufiertada en tolos colexos del País Llïonés.

Asina mesmu, la Conceyería de Cultura Tradicional Llïonesa creyará un centru difusor de la Cultura Llïonesa nel Palaciu Don Gutierre aú se darán charlas y alderiques sobru temas de la Cultura Llïonesa

Diario de León | 1 | 2 | 3 | 4 | 5 |
Leonoticias.com
El Mundo - La Crónica
Terra.es
ABC

Febreiru y 21

La edición llïonesa d'El Mundo espubliza guei una tribuna del nuesu Secretariu Xeneral y Conceyeiru de Cultura Tradicional Llïonesa, Abel Pardo, na qu'analiza la situación de la nuesa Llingua guei, Día de la Llingua Materna. N'esta tribuna amuésase la evolución del númberu de falantes de llïonés dende l'añu d'espublización del Llibru Roxu de la UNESCO ata guei, siendu confirmaos pul trabayu espublizaú pula Universidá d'Uviéu y de los medios qu'hai guei en día pa poder estudiar la Llingua Llïonesa.

La lengua leonesa: presente y futuro

Febreiru y 22

La Conceyería de Nuevas Teunoloxías de Llión, cordinada pul nuesu Secrtariu Xeneral, Abel Pardo, tornará a la Llingua Llïonesa tolas webs qu'asina lu deseyen.

El primer pasu diúlu MercaLeón cuna torna de la sua web (http://www.mercaleon.es) y en poucu tiempu outras webs sumaranse a esti proyeutu d'esporpoye de la nuesa Llingua.

Diario de León | 1 | 2 |

Febreiru y 26

La Conceyería de Cultura Tradicional Llïonesa, cuyu conceyeiru ye Abel Pardo, xunta ComunidáLlïonesa.YE entaman un añu más un autu pa cellebrar el Día Internacional de la Llingua Materna cun una Mesa Redonda sobru la Llingua Llïonesa nel sieglu XXI.

L'autu se cellebrará mañana, Febreiru y 27, a las 19.30 nel Salón d'Autos del Palaciu Don Gutierre de Llión. N'esta mesa redonda participarán: Raúl Sánchez Prieto, Doutor en Filoloxía y mayestru de la Universidá de Salamanca, Abel Pardo Fernández, Conceyeiru d'Educación, Nuevas Teunoloxías y Cultura Tradicional Llïonesa de Llión, Xairu Llópez Xáñez, Diseñador de Páxinas Web y Alicia Valmaseda Merino, Cordinadora de ComunidáLlïonesa.YE

Esti autu cuenta cuna collaboración de l'Asociación de Profesores de Llingua Llïonesa, El Fueyu, La Barda y El Toralín.

Mesa Redonda - La Llingua Llïonesa nel Sieglu XXI
Miércoles, Febreiru y 27
19.30h Salón d'Autos del Palaciu Don Gutierre
Llión

El Mundo - La Crónica

Febreiru y 28

La mesa redonda cellebrada ayeri fou un ésitu d'asistencia chenandu dafeichu'l salón d'autos del Palaciu Don Gutierre.

Na mesa redonda los tres ponentes falonun dende los sous respeutivos puntos de vista'l futuru de la Llingua Llïonesa, D. Raúl Sánchez sofitóu la entrada nos colexos de la Llingua Llïonesa, Abel Pardo avanzóu los prósimos planes que tien la Conceyería de Cultura Llïonesa, Educación y Nuevas Teunoloxías pa cuna Llingua y Xairu Llópez comentóu la necesidá de la publicitación de la nuesa llingua pa que nun seya vista cumu dalgu de fuera.