Febreiru y 20
 Cun motivu del Día de la Llingua Materna l'Asociación Cultural de la Llingua Llïonesa El Fueyu, l'Asociación en favor del Llionés de Salamanca La Barda y el coleutivu Comunidállionesa.ye entaman, cuna collaboración de Conceyu Xoven, una conferencia del Dr. Raúl Sánchez Prieto, presidente de l'asociación La Barda de Salamanca sobru Presente y futuru de la Llingua Llïonesa que se desenvolverá el miércoles Febreiru y 21 na Sala "Región" del Istitutu Llïonés de Cultura na C/Santa Nonia nu 3 de la Ciudá de Llión. 2 a las 20.00h .
|
Los responsables de Conceyu Xoven en Salamanca y Tierra del Vinu aconceyónunse esta fin de selmana cul Secretariu Xeneral, Abel Pardo y el Vicesecretariu de Coordinación de Comités, Carlos Fernández p'afitare la política de la nuesa organización pa las prósimas datas. Nesi sen, la nuesa organización desenvolverá una intensa autividá elleutoral emburriandu l'apresentación de llistas d'UPL y UPS que defiendan los finxos llïonesistas.
El nuesu Secretariu Xeneral, Abel Pardo, na edición llïonesa d'El Mundu, espublizóu una tribuna sobru la necesidá que tien el País Llïonés d'un Plan d'Infracadarmas propiu y de cúmu una autonomía pal nuesu país iguaría tolas necesidaes viales y d'incomunicación que sufre de cara a outros territorios de la península. 
Adrianu Martín, Secretariu de Conceyu Xoven en Ponferrada, pasa a desenvolver el cargu de Vicesecretariu de Coordinación y Xestión Interna. Xairu Llópez, Vicesecretariu d'Alministración, sedrá'l nuevu Vicesecretariu de Política Llinguística y Nuevas Teunoloxías y Carlos Fernández, Secretariu de Conceyu Xoven en Mansiella, pasa a ser el nuevu Vicesecretariu de Coordinación de Comités.
Abel Pardo, Secretariu Xeneral de Conceyu Xoven, nuna tribuna espublizada guei n'El Mundo - La Crónica, fai un analís sobru'l programa qu'ha tener el llïonesismu nel casu de Llión Ciudá y la necesidá de tener bien nidias las idegas de cara a algamare l'autonomía pal País Llïonés.
