|
Avientu y 7
 El nuesu Secretariu Xeneral, Abel Pardo, nuna tribuna espublizada na edición llïonesa d'El Mundu, analiza la situación d'UPL darréu del cabeiru Congresu Nacional del partíu.
Analiza tamién las autuaciones de cargos públicos del partíu asina cumu cabezaleiros del mesmu nu que cinca a llïonesismu rial y de cúmu los llïoneses tamos fartos de sere pisotiaos dende l'alministración autonómica y l'Estáu.
Leonesismo: proyecto y moderación |
Avientu y 14
 El nuesu Secretariu Xeneral y Conceyeiru d'Educación, Nuevas Teunoloxías y Cultura Tradicional Llïonesa, Abel Pardo, dióu una rueda de prensa anunciandu la cellebración del II Día de la Llingua Llïonesa el prósimu domingu, Avientu y 16 de 2007.
La cellebración del Día de la Llingua Llïonesa cunta cuna participación del grupu de tiatru "Txaciana" y amás, presentarase'l documental "Asina Falamos".
El II Día de la Llingua Llïonesa cuenta cul sofitu de tolas asociaciones en defensa de la Llingua Llïonesa y mueitas outras de caráuter cultural del País Llïonés.
Europa Press
Diario de León |
Avientu y 15
 Conceyu Xoven participóu'l pasáu xueves nel alcuentru provincial d'informadores xuveniles nel Hotel Infantas de Llión entamáu pula Conceyería de Mocedá de Llión
Nesti alcuentru participonun tolos servicios d'información xuvenil de la provincia de Llión y tratónunse temas alrodiu las Nuevas Teunoloxías y la vivienda. Conceyu Xoven tratóu sobru'l futuru de la información xuvenil nel alderique postreiru. |
| |
|
Avientu y 17
 El II Día de la Llingua Llïonesa, entamáu pula Conceyería d'Educación, Nuevas Teunoloxías y Cultura Tradicional Llïonesa, pechósue cul chenu asolutu nel salón d'autos de la Cá'l Conceyu de Llión.
Esti día fou l'amuesa nidia de cumu la sociedá llïonesa ta ca día más concienciada de la sua llingua y de la sua cultura gracias al esfoutu d'asociaciones que fain un apueste pula nuesa tradición.
Diario de León
El Mundo - La Crónica
Leonoticias.com
ElConfidencial.com
El Norte de Castilla
Yahoo.es |
|
Avientu y 21
 El nuesu Secretariu Xeneral y Conceyeiru de Nuevas Teunoloxías de Llión, Abel Pardo, nuna tribuna espublizada guei, analiza la situación y l'apueste que tienen que facer tolas alministraciones públicas pa ufrire un bon serviciu al traviés de la rede.
Asina mesmu, outros países qu'apuestan pulas nuevas teunoloxías avanzan tamién nel tarrén económicu.
La importancia de la administración electrónica |
|
Avientu y 22
 La nuesa organización forma parte del coleutivu en favor de la recuperación de la memoria histórica y de denuncia del réxime franquista, que yes costóu la vida a bien de presonas en tol territoriu llïonés baixu soberanía hespannola. Nesi sen, la defensa de los valores democráticos y en defensa de las llibertaes individuales y coleutivas ye un arguyu pa la nuesa organización, que d'esti xeitu participa, nesti casu, na Comisión creyada en Zamora.
|
|
