|
Avientu y 1
 Nandu Sánchez, secretariu de Conceyu Xoven en Salamanca, fou nomáu esti vienres Portavoz del Comité Llocal de Salamanca de Unión del Pueblo Salmantino pula direición del partíu, Conceyu Xoven algama asina una posición de privilexu dientru de la llucha del llïonesismu en Salamanca.
|
|
Avientu y 4
 El cursu entamáu pula Asociación de la Llingua Llïonesa "El Fueyu" y que cunta cuna collaboración del Instituto Leonés de Cultura, UPL-Coyanza y Conceyu Xoven, anicióuse esti sábadu cun gran participación. Yá son treinta las presonas apuntadas a esti cursu que cuntará cun tres niveles: Entamu, Mediu y Afondamientu, que se desendolcarán nesti cursu a lu llargu de 24 meses.
El preciu ye de 10 € y durará fasta Mayu de 2007.
Prósimamente l'Asociación de la Llingua Llïonesa "El Fueyu" espera desendolcare cursos nas ciudaes de Torenu y Ponferrada.
ICALNews | Diario de León |
|
Avientu y 7
 Nuna tribuna espublizada na edición llïonesa d'El Mundo, Abel Pardo, secretariu xeneral de la nuesa organización, fala d'un de los feichos asocedidos nos cabeiros días rellaicionaos cul País Llïonés: l'aprobación del Estatuto pa la comunidá autónoma. Asina mesmu, comenta la situación de deillos políticos llïoneses al anteponere la tiesta a lu que diuta'l sou coral y la necesidá de qu'esta comunidá autónoma seya disuelta pal necesariu espoxige del País Llïonés.
Cerebro, corazón y País Leonés |
|
Avientu y 12
 Nandu Sánchez, secretariu de Conceyu Xoven - Salamanca, comentóu ayeri nel periódicu Tribuna de Salamanca lu que supón pa la provincia salmantina el nuevu estautu d'autonomía y la verdá de a quién beneficia en rïalidá el testu autonómicu.
Tribuna de Salamanca |
Avientu y 15
 El secretariu del Comité de Conceyu Xoven - Salamanca presentóu esti vienres xunta'l Presidente d'UPS Emilio Sánchez - Coria y el tamborileiru charru José Manuel Bustos, una recopilación de cantares tradicionales charros ente los que s'inclui dalgún cantar en Llingua Llïonesa.
El recopilatoriu puede recoyese na sede d'UPS:
C/ Toro 23, pisu 2u Ofic. C
37002 Salamanca |
|
Avientu y 21
 El nuesu secretariu xeneral, Abel Pardo, nuna tribuna espublizada na edición llïonesa d'El Mundu, espón lu que supón la pérdida de los fondos europeos pal País Llïonés: un continu declive gracias a la incompetencia de l'autual goviernu de la Junta de Castilla y León.
Fondos UE y País Leonés |
|
