Agostu y 29

Dende la Conceyería de Cultura Llïonesa y continuandu cuna campaña "Reinu de Llión · Descubri un País" entamaráse pal fin de semana de setiembre y 7 una escursión a Salamanca, cul viniente plan de viaxe:

9:00 H. - Salida dende la Plaza de Guzmán · 11:30 H. - Chegada a Salamanca · 12:00 H - Escomencipiaremos el recorríu giáu pula ciudá cun gía de Salamanca cun visita a la Plaza Mayor, Casa de las Conchas, Universidá y Catedrales · 15:00 H - Fin de la visita giada. Xanta nel arrodiu de la Plaza Mayor y tiempu llibre. · 16:00H - visita voluntaria (nun entra nel costu) al Guertu de Calixto y Melibea, Casa Lis (2€ entrada), Touru de la Ponte Romana y Escultura del Lazarillo de Tormes · 18:00H - Salida p'hacia Llión · 20:30H - Chegada a Llión.

El coste del viax ye de 10 euros pa empadronaos en Llión y 20 pa los non empadronaos, los interesaos deben aconchegase a la Conceyería de Cultura Llïonesa, allugada nel Palaciu Don Gutierre (tlfnu. 987 344 370).

Reinu de Llión · Descubri un País
Leonoticias
Diario de León
La Crónica

Agostu y 22

Dende la Conceyería de Cultura Llïonesa y continuandu cuna campaña "Reinu de Llión · Descubri un País" entamaráse pa la fin de semana d’agostu y 31 una escursión al Puertu Pinos, cul viniente plan de viaxe:

9:00H - Salida dende la Plaza de Guzmán · 10:15H – Chegada a Pinos · 10:30H – Escomencipiamos la ruta pula comarca de Babia, xubiendu ata’l Negrón de la Cubietsa, pa vere los restos de l’arquiteutura militar n’estos paraxes. · 13:30H – Parada pa xantare · 17:00H – Salida hacia Caldas de Tsuna pa vere las termas, y Barrios de Tsuna · 20:00H – chegada a Llión.

El coste del viax ye de 10 euros pa empadronaos en Llión y 20 pa los non empadronaos, los interesaos deben empontigase a la Conceyería de Cultura Llïonesa, allugada nel Palaciu Don Gutierre (tlfnu. 987 344 370).

Reinu de Llión · Descubri un País

Agostu y 14

Dende la conceyería de Cultura Llïonesa y continuandu cuna campaña "Reinu de Llión · Descubri un país", entamárase pal domingu, agostu y 24, una escursión a Miranda L Douru, cul plan de viax que vien darréu:

9:00 Salida dende la Plaza de Guzman · 11:45 Chegada a Miranda L Douru y visita al Museyu de la Tierra de Miranda · 13:00 Xanta en Miranda · 14:00 Visita al Castiellu y la Catedral. Zona Vieya de Miranda · 15:30 Tiempu llibre pa visitare las tiendas de la zona nueva de Miranda. · 18:00 Salida de Miranda L Douru. · 20:45 Chegada a Llión.

El coste del viax ye de 10 euros pa empadronaos en Llión y 20 pa los non empadronaos, los interesaos deben empontigase a la Conceyería de Cultura Llïonesa, allugada nel Palaciu Don Gutierre (tlfnu. 987 344 370).

Reinu de Llión · Descubri un País
Leonoticias
Diario de León
La Crónica

Agostu y 12

Na seición "Semeyas" de la nuesa páxina web, podeis ver una riestra de fotografías feichas durante la última edición de la Feria del Asociacionismu Xuvenil "Expoxoven" na que Conceyu Xoven tuvu presente y amosóu una vuelta más sere la organización xuvenil cun más puxu del País Llïonés.

N'esta edición repartíuse mui bien de material llïonesista ente los asistentes que s'averonun al nuesu stand, amás de trasmitire los nuesos finxos de Xunidá, Ouficialidá y Autogoviernu a la xente más nueva, la cuala amosóu una gran satisfaición pula xeira que la nuesa organización vien rializandu dende cuantayá.

Galería Fotográfica "Expoxoven '08"

Agostu y 8

Dende la Conceyería de Cultura Llïonesa y continuandu cuna campaña "Reinu de Llión · Descubri un país", entamárase pa'l domingu, agostu y 17, una escursión a Tierra del Vinu (Zamora), cul plan de viax que sige darréu:

9:00 Salida dende la Plaza de Guzmán · 10:45 Chegada a Touru · 11:00 Visita a la Bodega Liberalia (viñas, istalaciones, nave de crianza, sala de catas) qu'inclúi cata y aperitivu · 13:00 ruta del Románicu Mudéxar cun visita a la Colexata y el Santu Sepulcru · 14:30 Xanta en Touru y tiempu llibre · 17:00 Ruta del Románicu Mudéxar: Igrexa de San Salvador ya Igrexa de San Llourienzu · 18:00 Regresu a Llión.

El coste del viax ye de 10 euros pa empadronaos en Llión y 20 pa los non empadronaos, los interesaos deben empobinase a la Conceyería de Cultura Llïonesa, allugada nel Palaciu Don Gutierre (tlfnu. 987 344 370).

Reinu de Llión · Descubri un País
Diario de León
Diario de León (2)

Agostu y 4

Continuandu cuna campaña "Reinu de Llión · Descubri un País", el prósimu domingu, Agostu y 10, rïalizaráse un viax a la zona de la Estación de San Gloriu nel que los participantes podrán conocer una de las zonas más interesantes del País Llïonés.

N'esta escursión visitaránse los principales puntos d'interés turísticu d'esti fermosu llugar, conociendu poblaciones tan siñaladas cumu Riañu, Posada de Valdïón, Cordiñanes ou Caín, nuna xornada de senderismu na que s'esfrutará del mediu natural de la zona.

Los interesaos n'acudir a la excursión deben dirixise a la Conceyería de Cultura Llïonesa, allugada nel Palaciu Don Gutierre (tlfnu. 987 344 370). El preciu de la misma ye de 10 euros pa empadronaos nel Conceyu de Llión y de 20 euros pa los non empadronaos.

Reinu de Llión · Descubri un País
Diario de León
Diario de León (2)
Diario de León (3)
Diario de León (4)

Agostu y 4

Nel día d'ayeri, cincuenta llïoneses pudun conocere Las Arribes del Douru, allugadas nel norouesti de la provincia de Salamanca cuna campaña "Reinu de Llión · Descubri un País".

N'esti viax, rializóuse primeiramente una visita giada pula fermosa población de Vilvestre, de la que fonun destacables el conxuntu rupestre, el museyu arqueolóxicu y la clisante vista del Douru dende'l sou miradeiru. Darréu, llevóuse a los participantes al embarcadeiru, aú pudun esfrutare d'un bañu nas auguas del ríu pa depuéis rializar un trayeutu en catamarán de dúas horas dende Vilvestre ata Aldeadávila, conociendu tolos secretos d'esti verxel natural.

A lu llargu del viax, y progresivamente fou desplicánduse'l continuum cultural que comparten las provincias de Llión, Zamora, Salamanca y el Distritu de Bregancia, asina cumu los principales aspeutos históricos en que'l Reinu de Llión incidíu na zona.

Reinu de Llión · Descubri un País

Agostu y 1

La nuesa organización tuvu presente nel aconceyamientu que se llevóu a cabu nel día d'ayeri na sede del Conseyu de la Mocedá de Llión nel que se falóu sobru la xeira d'acondicionamientu del nuevu llocal de la entidá, estáu de cuntas y creyación d'una páxina web. Darréu, procedéuse a entamar el llabor llimpieza de la sede, traslláu de documentación del conseyu y allugamientu y verificación del estáu de los equipos informáticos.

Conceyu Xoven collaborará cun fuercia n'esta nueva dómina del Conseyu de la Mocedá de Llión cul envís de garantizare que los nuesos finxos de Xunidá, Ouficialidá y Autogoviernu tean bien presentes nel mesmu.