|
Agostu y 1
 Conceyu Xoven, sigiendu cona política marcada nel sou cabeiru Congresu Nacional, sigi desendolcandu la sua campaña en favor de la Xunidá, la Oficialidá y l'Autogoviernu del País Llïonés por tolos requeixos d'esta tierra. Las aiciones nel sur del país, amuesan el compromisu de Conceyu Xoven conas fasteiras nas que'l llïonesismu arriba de la manu de la nuesa organización.
|
|
Agostu y 9
 Conceyu Xoven de Ponferrada vien de caltener un alcuentru de trabayu nel que s'afitanun las llínias d'autuación y el programa a desendolcare nel prósimu semestre. La estaya ponferradina de Conceyu Xoven sedrá una de las basas d'espardimientu n'El Bierzu de la nuesa organización que tendrá comu finxu cimeiru la defensa del idioma nel Ueste del país y el crecimientu en númberu d'afiliaos, consolidánduse comu la principal fuerza política xuvenil berciana.
|
|
Agostu y 11
 Dempués del aconceyamientu de la Direición Nacional, Conceyu Xoven Ponferrada entamóu ayeri cona pegada de pegadiellas por tola ciudá col finxu cimeiru d'amosar la campaña que se vien desendolcandu por tol País Llïonés en favor de la Xunidá, la Oficialidá y l'Autogoviernu. Esta campaña marca l'entamu d'una nueva dómina na que Conceyu Xoven puxará pola mocedá ponferradina.
|
Agostu y 15
 Conceyu Xoven, en sigiendu cona campaña en favor de la Xunidá, la Oficialidá y l'Autogovienru del País Llïonés desendolcóu una concentración na llocalidá de Bermellar na que participanun bien de mozos del arrodiu.
Nesi sen, el Comité de Conceyu Xoven en Las Arribes afitóu los sous finxos nun aconceyamientu nel que tuvienun presentes Abel Pardo, Secretariu Xeneral de Conceyu Xoven, y Nel González, Secretariu de Réxime Interior.
Nota de Prensa |
|
Agostu y 16
 El Comité Rexonal de Conceyu Xoven en Tierra del Vinu, del que ye secretariu Vitu Tamares, vien de cellebrar un aconceyamientu cona Direición Nacional de la nuesa organización na que se planteganun las aiciones qu'esti comité desendolcará nas prósimas datas. El Secretariu Xeneral de Conceyu Xoven, Abel Pardo, amosóu la importancia d'esti comité nos planes d'espardimientu de Conceyu Xoven.
Nota de Prensa |
|
Agostu y 17
 Conceyu Xoven presentóu guei'l sou proyeutu de reforma del estatutu d'autonomía de Castiella y Llión. La nuesa organización afita la sua propuesta nel asoleyamientu d'un camín precisu p'hacia l'autonomía, que partiría de la reconocencia la costitución d'un Conseyu Xeneral del Reinu de Llión, la reconocencia comu nacionalidá hestórica, y la reconocencia oficial de la Llingua Llïonesa.
Nota de Prensa |
Agostu y 23
 Conceyu Xoven, alertáu polos vecinos de la zona y a comuña con UPL, promovéu un aconceyamientu con vecinos y asociaciones llïonesas en defensa de los Principia, daos los rumores de qu'una empresa costrutora diba tentar d'aniquilar esti vestixu de la nuesa hestoria. Estos restos son únicos n'Europa, tal y comu amosaran na visita del Conseyu d'Europa y espertos aconceyaos nun alcuentru al efeutu. La nuesa asociación sigi d'esti xeitu col impulsu en defensa del patrimoniu qu'amosara yá en casos comu l'Alfolí de Boñar, Palat de Rei en Llión, ou'l castiellu d'Alba en La Robla.
|
|
Agostu y 25
 Conceyu Xoven marcóu ayeri'l programa pa los Comités del Altu Sil, aconceyaos nel pueblu de Guímara. Los Secretarios de los Comités de Ribas del Sil, xuntu al Secretariu del Comité de Ponferrada y al Secretariu Xeneral de Conceyu Xoven planteganun los finxos cimeiros a algamare fasta la fin d'añu, faciendu una especial fincapía nas campañas en favor de la nuesa llingua y de la reforma del estatutu
|
Agostu y 25
 Un Programa de Formación, con especial fincapía en temas culturales y de raigones propios dedicaos al ensiñu mediu fou aprebáu pola asembleya del Conseyu la Mocedá de Llión. D'esti xeitu la nuesa organización fai un apueste firme pol espardimientu de los nuesos feichos culturales ente la mocedá llïonesa, y n'especial ente los xóvenes asociaos.
|
|
Agostu y 29
 Conceyu Xoven de Mansiella vien d'encadarmar el sou programa d'autuación fasta la fin d'añu, nun aconceyamientu nel que participóu'l Secretariu de Mansiella y el nuesu Secretariu Xeneral. El Comité de Mansiella de Conceyu Xoven ye'l que más puxu vien amosandu a lu cabeiru, incrementandu'l númberu d'afiliaos y desendolcandu deillas aiciones ente las qu'espoxigan la campaña en favor de la Xunidá, la Oficialidá y l'autogoviernu y una campaña llocal en favor de l'autonomía llïonesa.
Nota de Prensa
|
|
Agostu y 30
 El Comité de Conceyu Xoven en Zamora vien de cellebrar un aconceyamientu cona Direición Nacional de la nuesa organización na que se planteganun los oxetivos y las aiciones qu'esti comité desendolcará nas prósimas datas. Poru, Conceyu Xoven plantégase comu finxu cimeiru afitare la sua representación nos istitutos, el sofitu a la creyación del Conseyu del Reinu de Llion y algamare la Universidá pa Zamora. L'aconceyamientu contóu cona presencia del Secretariu del Comité y el nuesu Secretariu Xeneral
Nota de Prensa
|
|
Agostu y 31
 El Comité de Coyanza afitóu la nueva llínia política na rexón. Nel aconceyamientu planteganunse las aiciones a desendolcare nas prósimas datas, faciendu especial fincapía na creyación d'un grupu con puxu nel istitutu de la ciudá, asina comu la campaña pola Xunidá, Oficialidá y el Autogoviernu que se fai pol restu del nuesu País.
Nesti alcuentru tuvienun presentes el nuesu Secretariu Xeneral y el Coordinador del Comité de Coyanza.
Nota de Prensa |
|
Agostu y 31
 La nuesa web rompéu ayeri'l récor de visitas algamandu las 373. La web de Conceyu Xoven superóu durante dous dias sigíos las 300 visitas invividuales, algamandu n'agostu y 29 las 317. Nel llistáu de webs de tema politica de tol Estáu hespañol, la nuesa web ta nel númberu 4 de las 1000 qu'apaecen n'él.
Conceyu Xoven lleva na rede dende 1997, teniendu comu media de visitas diarias 200 y visitas mensuales más de 5000. Toas estas visitas nun sedrian posibles ensín la vuesa ayuda, por eillu ¡Gracias a toos!
|
|
El Comité de Conceyu Xoven de Benavente – Los Valles cellebróu'l sou aconceyamientu ordinariu en Barcial del Barcu, na que fizu un balance d'autuaciones y plantegóu las suas estratexas de futuru na comarca. Nesti aconceyamientu tuvun presentes el Secretariu Comarcal, Xuamari Garrote y el Secretariu Xeneral, Abel Pardo que felicitóu al comité pol trabayu desendolcáu y planteganun las nuevas campañas que la nuesa organización desenrollará darréu
La propuesta de creyación d'un Conseyu Xeneral del Reinu de Llión, la reconocencia del nuesu país comu nacionalidá Hestórica, y la propuesta de reconocencia oficial de la nuesa llingua posicionan a los partíos políticos. Mientras el Partido Popular ñega la mayor y fala d' "una comunidá fuerte que potencie a Llión", el PSOE namái ta dispuestu a "que vaiga pa Llión un plenu de la cortes al añu" y a que'l nuesu idioma seya un meru "dialecto", al empar que la fala de Segovia. 
