|
Abril y 30
 Escasos minutos depuéis de las 19,30 horas escomencipiaba la charla sobru Lliteratura Medieval Llïonesa a cargu del Catedráticu de Lliteratura de la ULE José Mª Balcells Domenech. El ponente indicóu que "Tare nun programa que diz: II Ciclu de Conferencias Reinu de Llión va ser una esperiencia inesqueicible", agradeciendu tamién a Abel Pardo, Conceyeiru de Cultura Llïonesa, la sua presencia pur sere parte fundamental de la sua participación. La conferencia, planteyada dende'l puntu de vista d'un historiador sirvíu p'asoleyare la necesidá imperiosa d'una historia, rial y documentada, de la lliteratura llïonesa, qu'anguañu nun fuera escrita.
Cartel Oficial
Programa de Conferencias
Periódico León |
|
Abril y 28
 Esti miércoles, abril y 29, continúa a las 19,30 horas nel Palaciu Don Gutierre'l II Ciclu de Conferencias Reinu de Llión entamáu pula Conceyeria de Cultura Llïonesa a cargu del edil llïonesista Abel Pardo Fernández.
N'esta ocasion el ponente asistente sedrá'l Catedráticu de Lliteratura Hespañola na ULE, José Mª Balcells Domenech, quien falará sobru la Lliteratura Medieval Llïonesa, abordandu oubras sobrusalientes cumu el Chronicon de Sampiro, del sieglu XI, las del XIII de Lucas de Tuy Chronicon mundi y el conocíu cumu Debate de Elena y María.
Cartel Oficial
Programa de Conferencias
Periódico León |
|
Abril y 26
 La nuesa organización rializóu esti fin de selmana nel conceyu llïonés d'Astorga las suas Xornadas Nacionales de Formación.
Nos tres días qu'esti eventu tuvu cumu duración, afondóuse na formación d'afiliaos de Conceyu Xoven chegaos dente tolos puntos del País Llïonés que participonun n'eillas.
|
|
Abril y 20
 El diariu llïonés La Crónica espubliza guei una entrevista rializada al nuesu Secretariu Xeneral, Abel Pardo Fernández, na que se fae un fondu analís tantu del trabayu desendolcáu pul equipu de goviernu del Conceyu de Llión cumu de la situación autual del llïonesismu. Na entrevista tamién son amentaos temas d'interés fundamental anguañu cumu son las negociaciones cun aerollinias cul envís d'amiyorare la situación autual del aeropuertu de Llión.
La Crónica |
|
Abril y 20
 El diariu llïonés La Crónica espubliza guei una tribuna del nuesu Secretariu Xeneral, Abel Pardo Fernández, na que se fae comparanza nas políticas aplicadas n'outros países europeos cul oxetivu'l desendolcu los mismos, mentantu nel nuesu país las políticas son puntuales y de remiendu, ensin un proyeutu nidiu a llargu plazu cul envís d'amiyorare la situación autual na que tamos fundíos.
Un país europeo
La Crónica |
|
Abril y 17
 David Martínez, Profesor Asociáu de la ULE, tras afalagare los conteníos de la programación del II Ciclu de Conferencias Reinu de Llión y felicitar a la Conceyería de Cultura Llïonesa pur esta niciativa, ante un aforu prácticamente completu, fizu un fondu repasu sobru la transición democrática en Llión, estableciendu esta dómina ente 1975, añu de la Muerte del ditador Francisco Franco y 1984 nel que se pecha'l mapa Autonómicu.
Tras la conferencia un prestosu debate punxu de manifiestu cumu un referente a la inventada autonomía de Castiella y Llión, nun se cuntóu cuna disconformidá de los llïoneses y sólu s'atendéu a los intereses de determinaos políticos que nun ascuchonun los deseyos d'un pueblu que reclamaba una identidá propia y fuera d'un marcu impuestu qu'inoraba la rialidá zoográfica ya histórica d'una rexón bien desemeyada de Castiella.
Periódico León |
|
Abril y 16
 El Secretariu Xeneral de Conceyu Xoven y representante del Consorciu pul Aeropuertu de Llión, Abel Pardo Fernández, ficiera un pidimientu al traviés de la prensa pa que la clase política amuese prudencia y nun frivolice nin especule acerca de las negociaciones que se tan llevandu a cabu cun aerollinias pa la chegada de nuevas conesiones aereas al aeropuertu de Llión.
L'edil llïonesista indicóu tamién que n'esti intre la negociación ta sobru la mesa y ante tou hemos sere rialistas y oxetivos cul envís d'algamare lu miyor pal nuesu aeropuertu, apuntandu tamién que ye fundamental la creyación de la nueva terminal pa esti progresu.
Leonoticias
Periódico León |
|
Abril y 14
Na tarde de mañana miércoles, continúa'l II Ciclu de Conferencias Reinu de Llión entamáu pula Conceyeria de Cultura Llïonesa del Conceyu de Llión a cargu del llïonesista Abel Pardo Fernández.
N'esta oucasión, sedrá l'historiador David Martínez Pérez el qu'a las 19,30 horas fale nel Salón d'Autos del Palaciu Don Gutierre acerca del entamu democráticu y la transición llïonesa, abordandu aspeutos cumu l'apertura d'espacios democráticos dientru de la ditadura franquista, vieyos y nuevos movimientos sociales ou'l xurdimientu'l llïonesismu.
Cartel Oficial
Programa de Conferencias
Diario de León
La Crónica
Periódico León |
|
Abril y 6
 El nuesu Secretariu Xeneral Abel Pardo, espulizóu guei una Tribuna nel periódicu llïonés La Crónica na que desplica la sensación de caminar pur Trafalgar Square y camentar lu que dende una islla cumu Inglaterra se fizu a lu llargu de la historia y la comparación cuna nación llïonesa.
Trafalgar Square
La Crónica |
|
Abril y 2
 María José Conde Guerri, Profesora Titular de Lliteratura del sieglu XX na ULE, intervienu'l pasáu miércoles, nel II Ciclu de Conferencias Reinu de Llión qu'entama la Conceyería de Cultura Llïonesa a cargu del nuesu Secretariu Xeneral, Abel Pardo Fernández, cun una magnífica amuesa sobru "El tiatru en Llión nel sieglu XX. Autores y grupos."
La conferencia punxu de manifiestu la relevancia, tantu d'autores cumu de grupos nel tiatru Llïonés y evocóu a autores qu enacienun al veiru de la catedral cumu Carmelo Hernández Moro (Lamparilla), Ángel Suárez (El Bujía); la inevitable alcordancia de personalidaes lliterarias pertenecientes a la puesía cumu Victoriano Cremer y Francisco Pérez Herrero quienes abordonun esti xéneru cun deillas oubras; incuestionable l'alcordancia a la figura de Luis Sáenz de la Calzada, venceyáu al equipu d'autores que encadarmonun el grupu de tiatru "La Barraca" de Federico García Lorca. Conde Guerri pechóu la sua conferencia cun una suxerente cita: "Caún tien la sua solombra..."
Cartel Oficial
Programa de Conferencias
Periódico de León |
|
