|
Abril y 29
 El prósimu miércoles, Abril y 30 a las 19,30
horas y continuandu cul I Ciclu de Conferencias Reinu de Llión, tendrá
llugar nel Salón d'Autos del Palaciu Don Gutierre una conferencia
sobru'l Museyu de Llión a cargu de Luis Grau, Cabezaleiru del mismu. El
nuevu Museyu de Llión abríu las suas puertas al públicu'l pasáu día
xineiru y 25 de 2007 tras un llargu y radical procesu de remodelación,
que consistíu nel sou cambiu de sede (al céntricu edificiu "Pallarés")
y la sua total trasformación museyística, mediante l'ampliación y
trasformación del sou discursu museyullóxicu. El sou nuevu montax
inclúi una esposición permanente dedicada a la interpretación del
procesu históricu del territorio provincial, dende las primeiras
evidencias humanas ata esti sieglu, y complétase cun dúas estayas
temáticas (llapidariu y monetariu) y una dedicada a la historia de la
ciudá.
Terra.es
Diario de León |
|
Abril y 21
 El
nuesu Secretariu Xeneral, Abel Pardo, espubliza guei nel diariu La
Crónica una coluna d’opinión na qu’amuesa las semeyanzas ente las
imposiciones, tiranías y penas sufridas pulos llïoneses d’antañu y
d’anguañu. N’estas llínias, y cun gran sentíu de la perspicacia,
desplícase tamién la inevitable acabación d’esas desdichas y de la
bestia que las causara, la cuala ha finare fundida, sola, ferida y
arrequeixada.
El ocaso del maligno |
|
Abril
y 15
 El prósimu Miércoles, Abril y
16 a las 19,30 horas, y continuandu cul I Ciclu de Conferencias "Reinu
de Llión" entamáu pula Conceyería de Cultura Llïonesa, llevaráse a cabu
nel Salón d'Autos del Palaciu Don Gutierre la conferencia "Arquiteutura
Autual en Llión", a cargu del arquiteutu Eloy Algorri.
Anguañu
puede afirmase que toda ciudá ta compuesta pur dúas clases d'edificios:
Los iconos (catedrales, museos, auditorios, etc.) que desempeñan el
papel d'imax pública y turística, y los residenciales que componen el
fondu urbanu y son el marcu qu'abelluga la vida cotidiana del ciudadanu
común.
Na
ciudá publicitaria los edificios del primer grupu compensan la
mediocridá xeneral y na ciudá habitable los segundos tienen la capacidá
de texer un conxuntu armónicu y eficaz. Mediante un analís de los
edificios de vivienda colleutiva costruyíos en Llión nos cabeiros 50
años, trataráse determinare cual ye'l calificativu que retrata la ciudá
qu'habitamos.
|
|
Abril y 14
 Conceyu Xoven de Zamora participóu guei nún
homenax a los represaliaos pul franquismu na ciudá nún autu cellebráu
nel Centru Cultural "La Marina".
Xuntu
cun esti autu ta previstu algamar abondos sofitos pa costruyir un
monolitu n'homenax a tolas presonas que sufrienun en dalgún mou la
represión del réxime franquista, situándulu nún llugar emblemáticu de
la ciudá inda pur determinare.
La Voz de Salamanca |
|
Abril y 9
 Continúa guei'l I Ciclu de Conferencias Reinu de
Llión, entamadas pula Conceyería de Cultura Tradicional Llïonesa cun
"Efeutos dixitales y Animación 3D. Made in Llión" que cunta cuna
intervención del llïonés Juan Carlos Mostaza, nomináu a los Goya 2007
pula película d'animación "Broken Wire".
La
conferencia fadrá fincapía na la creyación d'efeutos dixitales al
traviés del ordenador pa cine y publicidá. Amás, habrá una proyeición
de la sua película Broken Wire.
La
Conferencía tendrá llugar nel salón d'autos de Don Gutierre guei a las
20.00
Diario de
León |
|
Abril y 7
 Abel Pardo, secretariu xeneral de Conceyu Xoven
y conceyeiru de la ciudá de Llión, espubliza guei una tribuna en "La
Crónica" na qu'analiza una vuelta más la situación de l'Airopuertu de
Llión.
La
Junta de Castiella y Llión obligóu a Lagun Air a sustituyire la sua
sede de Llión pur Valladolid.
Junta vs
aeropuerto de León |
|
Abril y 2
 Dende guei,
Abril y 2, ata Xunu y 18 va cellebrase nel Salón d'Autos del Palaciu
Don Gutierre'l I Ciclu de Conferencias Reinu de Llión entamáu pula
Conceyería de Cultura Llïonesa.
La
primeira conferencia ta a cargu de los poetas llïoneses Víctor M. Díez
y Eloísa Otero y lleva pur títulu "Pías na piedra". Sigirá una
conferencia de Juan Carlos Mostaza sobru "Efeutos dixitales y animación
3D Made in Llión" y la proyeición de la sua película Broken Wire,
nominada a los Goya de 2007.
Programa de
Conferencias y Seminarios (PDF)
|
|
